Máselen, Mahambet aýdanyndaǵy Alǵa aýylynda mektep oqýshylarynan quralǵan «Álqıssa» ansambli bar. Bul ansambldiń jas dombyrashylary «Baldyrǵan» jáne «Aqjeleń» toptaryna bólingen. Jaqynda eki toptyń balǵyn ónerpazdary atalǵan baıqaýdyń bas júldesin ıelendi. Al jeke oryndaýda Arýna Nysanbaı D.Nurpeıisovanyń «Naýysqy», Almat О́teý Á.Jeldibaevtyń «Erke sylqym», Orynbaı Túgel A.Eńsepovtiń «Shashý», Madııar Janǵabyl Mahambettiń «Jumyr qylysh» kúıin oryndap, birinshi oryndy ıelendi.
– «Álqıssa» balalardyń halyqaralyq baıqaýynda alǵash ret óner kórsetti. Buryn elimizde ótken túrli konkýrstan birneshe ret júlde alǵan edi, – deıdi úıirme jetekshisi Almagúl Ermekova.
Onyń aıtýynsha, «Álqıssa» dombyrashylar úıirmesi úsh jyl buryn ashylǵan. Qazir úıirmege 8-15 jas aralyǵyndaǵy 65 bala qatysyp júr.
Dál osy baıqaýǵa Maqat aýdanyndaǵy R.Ǵabdıev atyndaǵy óner mektebiniń «Gaýhartas» jáne «Aıhansha» bı toptary da qatysyp, bas júldege ıe boldy. Bı toptarynyń jetekshisi Nurgúl Erkinqyzynyń aıtýynsha, kishkentaı bıshiler «Moldavııa qyzdary» jáne «Baldáýren» bıin oryndaǵan.
Atyraý oblysy
