Factcheck.kz redaksııasyna Greenpeace ókilderi habarlasyp, qazaqstandyq medıada jarııalanǵan órtke qatysty kartany jasamaǵanyn jane onyń shyndyqqa janaspaıtynyn alǵa tartty.
QR Ekologııa jáne tabıǵı resýrstar mınıstrliginiń aqparatyna sáıkes, oblysta bolǵan órttiń (12 maýsymdaǵy derek boıynsha) jalpy aýdany 60 myń gektardan asyp, onyń 43 myń gektarynda janý oshaqtary bar ekeni anyqtalǵan.
«Kanadanyń Tótenshe jaǵdaılar mınıstri Bıll Bler The Globe and Mail basylymyna elde 431 órt tirkelgenin, onyń 200-den astamy baqylaýdan shyǵyp ketkenin aıtqan. Jyl basynan beri Kanadada 4,7 mln gektardan astam jer órtengen. Eldiń Kvebek, Alberta jane Brıtandyq Kolýmbııany kosa alǵanda birneshe provınsııalarynda órt áli basylmaǵan», dep jazdy Factcheck.kz.
Greenpeace uıymynyń 13 maýsymdaǵy aqparatyna sáıkes, orman órti boıynsha alǵashqy bestikke Kanada, Reseı, Brazılııa, Aýstralııa jane Kytaı kirgen. Al Abaı oblysyndaǵy órt bul bestikke kirmegen.
