Memleket basshysyna Ortalyqtyń 2025 jylǵa deıingi damý strategııasyn iske asyrý aıasynda shetelden ınvestısııa tartýǵa járdemdesý, qarqyndy kapıtal naryǵyn damytý jáne qarjy ındýstrııasyndaǵy ınnovasııalardy ilgeriletý sekildi negizgi úsh baǵyt boıynsha atqarylyp jatqan jumystar týraly málimet berildi.
Renat Bekturovtyń aıtýynsha, Qarjy ortalyǵy qurylǵaly beri Qazaqstanǵa 8,3 mıllıard dollardan astam ınvestısııa tartqan. Sońǵy jyldary AHQO qatysýshylarynyń sany qarqyndy ósip keledi. Álemniń 75 elinen 2 myńǵa jýyq kompanııa bıznes júrgizý úshin AHQO-nyń ıýrısdıksııasyn tańdady. Álemdik iri qarjy ınstıtýttary, atap aıtqanda qytaı bankteri, arab elderiniń qarjy qurylymdary jáne tanymal tehnologııalyq kompanııalar AHQO bazasynda ókildigin belsendi túrde ashyp jatyr. Jalpy, Ortalyq qurylǵan sátten bastap AHQO ekojúıesine qatysýshylar bıýdjetke 50 mıllıard teńgeden astam, sonyń ishinde byltyr 26 mıllıard teńge kóleminde salyq tólegen. Qarjy ortalyǵy quramyndaǵy daýlardy sheshý ınstıtýttary (AHQO soty jáne Halyqaralyq tórelik ortalyǵy) búginge deıin 2 myńnan astam kommersııalyq jáne qarjylyq isti qaraǵan.
Kezdesý sońynda Qasym-Jomart Toqaev AHQO-ny halyqaralyq arenada elimizdiń basty ınvestısııalyq alańdarynyń biri retinde ilgeriletý qajet ekenin atap ótti. Sondaı-aq Memleket basshysy AHQO quramyndaǵy bırjany, retteýshini jáne basqa da ınstıtýttardy álemdik úzdik standarttar negizinde odan ári damytý mańyzdy ekenine nazar aýdardy.
