Sýrette: Aıtystyń jeńimpazy Aıbek Qalıev jáne «Amankeldi Iman» qorynyń músheleri
Festıval aıasynda kúı atasy Qurmanǵazynyń 205, Aqan seriniń 180, Ánýarbek Baıjanbaevtyń 100 jyldyǵyna arnalǵan kúıshiler men ánshiler baıqaýy, kórkemsóz oqý saıysy ótti. Sonymen qatar jyrshy-termeshiler Shynbolat Dildebaev atyndaǵy baıqaýda baq synady.
Kúı tartysta bas júlde jezqazǵandyq Bekzada Dostııarovaǵa buıyrdy. Dástúrli án oryndaýshylary arasynda elordalyq Sáken Álimhan ozyq shyqty. Kórkemsóz oqýda bas júldege jezqazǵandyq Serik Álen ıe bolyp, jyr-terme oryndaýda Kúnsulý Túrikpenniń bási joǵary boldy.
Amangeldi Imanovtyń 150 jyldyǵyna arnalǵan «Azattyq» dep alysqan arystarym!» atty respýblıkalyq aıtys eki kúnge sozyldy. Sóz barymtasynda bas júldeni qostanaılyq Aıbek Qalıev jeńip aldy. Osy oraıda Qostanaı oblysy Amangeldi aýdanynyń jáne «Amangeldi Iman» qoǵamdyq qory ókilderiniń aıtysqa arnaıy kelip, syı-sııapattaryn jasaýy is-sharanyń mazmunyn arttyra tústi.
Budan bólek, festıval qonaqtary belgili bard-ánshi Qorabaı Esenovtiń, aqyn Baǵdat Baıjantaevtyń shyǵarmashylyq keshterin tamashalady.
Jezqazǵan
