Mınıstrliktiń shekti upaılary ózgergen joq. «Quqyq» jáne «Pedagogıkalyq ǵylymdar» bilim berý salalary úshin keminde 75 ball, «Densaýlyq saqtaý jáne áleýmettik qamtamasyz etý (medısına)» baǵyty úshin keminde 70 ball, «Aýyl sharýashylyǵy jáne bıoresýrstar», «Veterınarııa» salalary úshin keminde 60 ball, ulttyq joǵary oqý oryndaryna túsý úshin keminde 65 ball, basqa joǵary oqý oryndaryna túsý úshin keminde 50 ball jınaý kerek. Ár pán boıynsha shekti ball – 5.
Sonymen qatar 2019 jyldan bastap akademııalyq erkindik sheńberinde joǵary oqý oryndary aqyly negizde de, grant boıynsha da oqýǵa qabyldaý úshin UBT-nyń óz shekti baldaryn belgileýge quqyly. Ulttyq testileý ortalyǵy jyl saıyn talapkerlerge yńǵaıly bolý maqsatynda elimizdiń barlyq joǵary oqý ornynyń shekti baldaryn ortaq tizimde usynady. Bul derekter oqý oryndarynyń veb-saıttarynda da qoljetimdi.
– Mysaly, bir túlek «Matematıka» pániniń muǵalimi bolǵysy keledi delik. Ol UBT-da jınaǵan 80 balymen grant konkýrsyna nemese Eýrazııa ulttyq ýnıversıtetiniń aqyly bólimine tapsyrǵysy keledi. О́zderińiz biletindeı, «Pedagogıkalyq ǵylymdarǵa» shekti ball keminde – 75 ball, al ulttyq joǵary oqý oryndaryna – keminde 65 ball. Túlektiń jınaǵan baly oqýǵa qabyldaý úshin jetip tur. Alaıda bul ýnıversıtettegi onyń oqyǵysy keletin mamandyqqa shekti ball 90-nan bastalady. Demek, túlekke 80-nen tómen shekti baldary bar basqa ýnıversıtetti izdeý kerek. Sondyqtan oqýǵa qujattardy tapsyrar aldynda talapkerler joǵary oqý oryndarynyń shekti baldaryn bilýge tıis, – deıdi Ulttyq testileý ortalyǵynyń dırektory Rýslan Emelbaev.
2023-2024 oqý jylyna arnalǵan memlekettik bilim berý tapsyrysy ornalastyrylatyn joǵary oqý oryndarynyń tizimi jaqyn ýaqytta jarııalanady.
