Alapat apat byltyr ný ormanyn dúleı jalyn jalmap ketken Tobyl-Torǵaı óńirindegi aǵaıynnyń da qabyrǵasyna qatty batyp otyr. Qıyn-qystaýda qalǵan alystaǵy jaqynǵa shyn jany ashyp, kóp bolyp birigip kómek kórsetýge úndegen belsendi azamattar endi el ishinen jylý jınap, shyǵysqa bet alǵan gýmanıtarlyq kómektiń legin jalǵastyrýdyń qamyn qarastyryp jatyr.
«Gýmanıtarlyq kómek tıelgen jıyrma tonnalyq júk kóligi kúni keshe jolǵa shyqty. Ony jınaýǵa oblystyq, aýdandyq máslıhattyń depýtattary, jergilikti jerlerdegi bastapqy partııa uıymdarynyń ókilderi atsalysty. Bul ıgi is kópshilik tarapynan qoldaý taýyp, bizge san salada eńbek etip jatqan kásipkerler men qarapaıym turǵyndar habarlasyp, ne kerek ekenin, qalaı kómek kórsete alatynyn surastyryp jatyr. Azamattyq jaýapkershiligi joǵary, janashyr jandardyń kóp ekeni kóńil toǵaıtady.
«Jastar rýhy» jastar qanatynyń belsendileri de júgirip júrip biraz sharýa tyndyrdy. Búkil eldiń basyna túsken syndarly sátte aýyrtpalyq kórgenderge qolushyn sozbaı, bir shette únsiz jatyp alý adamdyǵymyzǵa da, aǵaıyndyǵymyzǵa da syn bolady. Sondyqtan qazir jurt bolyp jumylyp, órtten zardap shekken aǵaıynǵa barynsha kómek kórsetýimiz kerek», deıdi «Amanat» partııasy oblystyq fılıalynyń tóraǵasy Bıbigúl Aqqojına.
Qostanaı oblysy
