«Grýzııanyń ádilet mınıstrligi laýazymdyq quzyretin asyra paıdalanǵany jáne 50 mln tengeden astam bıýdjet qarajatyn ysyrap qylǵany úshin kúdikti dep tanylǵan Taraz qalasy ákiminiń burynǵy orynbasaryn ustap berý týraly Qazaqstan Respýblıkasy Bas prokýratýrasynyń suraý salýyn qanaǵattandyrdy», delingen Bas prokýratýra habarlamasynda.
Budan buryn kúdiktige halyqaralyq izdeý jarııalanǵan bolatyn. Izdeý nátıjesinde Qaırat Sarytaı Grýzııada ustalǵan.
«Grýzııalyq áripestermen aradaǵy tyǵyz qarym-qatynastyń nátıjesinde búgin Bas prokýratýra, Sybaılas jemqorlyqqa qarsy is-qımyl agenttiginiń qyzmetkerleri Qazaqstan Respýblıkasy Syrtqy ister mınıstrliginiń kómegimen kúdiktini qylmystyq jaýapqa tartý úshin Qazaqstanǵan ákeldi», delingen habarlamada.
Bas prokýratýranyń málimetinshe, kúdikti Astana qalasynyń tergeý ızolıatoryna qamalǵan jáne taǵylǵan aıyptarǵa sáıkes oǵan 12 jylǵa deıin bas bostandyǵynan aıyrý jazasy taǵaıyndalýy múmkin.
