Bul týraly QR Premer-mınıstriniń baspasóz qyzmeti málimdedi.
«Qazaqstan Respýblıkasy Úkimetiniń qaýlysymen Qanysh Amanbaıuly Tóleýshın Qazaqstan Respýblıkasynyń sıfrlyq damý, ınnovasııalar jáne aeroǵarysh ónerkásibi birinshi vıse-mınıstri bolyp taǵaıyndaldy», delingen habarlamada.
Qanysh Tóleýshın 1983 jyly Jezqazǵan qalasynda dúnıege kelgen. L.N.Gýmılev atyndaǵy Eýrazııa ulttyq ýnıversıtetin, Oksford Brýks ýnıversıtetin, Massachýsets tehnologııalyq ınstıtýtyn támamdaǵan.
Eńbek jolyn 2003 jyly kommersııalyq qurylymdarda bastady.
2004-2005 jyldary – «Temirbank» AQ fılıalynyń zańdy tulǵalarǵa qyzmet kórsetý bóliminiń mamany, bólim meńgerýshisi.
2006-2007 jyldary – «Saýda saıasatyn damytý ortalyǵy» AQ Saýda-ekonomıkalyq taldaý bóliminiń bas sarapshysy.
2007-2008 jyldary Qazaqstan Respýblıkasy Indýstrııa jáne saýda mınıstrligi Indýstrıalyq-ınnovasııalyq saıasat departamenti Innovasııalyq saıasat basqarmasynyń basshysy bolyp jumys istedi.
2008-2011 jyldar aralyǵynda Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bóliminiń keńesshisi, sektor meńgerýshisi, meńgerýshisiniń orynbasary qyzmetterin atqarǵan.
2011-2013 jyldary – Qazaqstan Respýblıkasy ındýstrııa jáne jańa tehnologııalar vıse-mınıstri.
2013-2016 jyldary – «Báıterek» ulttyq basqarýshy holdıngi» AQ basqarýshy dırektory.
2016-2017 jyldary – «Damý» kásipkerlikti damytý qory» AQ basqarma tóraǵasy.
2018 jyldan qazirgi ýaqytqa deıin kommersııalyq qurylymdarda jumys istegen.
