Búgin ótken sot otyrysynda Arystanbek Muhamedıuly iske qatysty sońǵy sózin aıtty.
«Qurmetti sýdıa, bul jerde tek tórt adamnyń ǵana emes, «Altyn adamnyń» da taǵdyry sizdiń qolyńyzda. Jekemenshik aýdıtorlyq kompanııanyń qate qorytyndysynan eldiń maqtanyshy nege zardap shegýi kerek? Aqsha jymqyrý da, sóz baılasý da bolǵan joq. Eshteńe dáleldenbegen. Men eldiń zańdaryn buzǵan joqpyn. Taǵylǵan aıypty moıyndamaımyn.
Men kez kelgen jazaǵa, tipti atý jazasyna da kelisemin, biraq aqsha jymqyrý degenge kelise almaımyn. Qazaqtyń «ólimnen uıat kúshti» degen sózi bar», dedi Arystanbek Muhamedıuly.
