«16 maýsym kúni keshki toǵyz jarymdar shamasynda Jańaózen-Kendirli tasjolynda iri jol-kólik oqıǵasy bolyp, 10 adam qaza tapty. Onyń 5-eýi kámeletke tolmaǵandar. Qaza bolǵandardyń týystary men jaqyndaryna kóńil aıta otyryp, eskertemiz! Jol-kólik oqıǵasynyń negizgi sebebi – kóliktiń qarsy baǵytqa shyǵyp ketýi. Sonymen qatar jyl basynan beri joldarda janýarlardyń qatysýymen 3 jol-kólik oqıǵasy bolyp, 2 adam qaza tapty, 2 adam zardap shekti», dedi Mańǵystaý oblysy PD basshysy.
Onyń aıtýynsha, jyl basynan beri oblysta 164 jol-kólik oqıǵasy tirkelgen. 32 adam qaza taýyp, 185-i jaraqat alǵan.
«Toyota kóliginde 8 adam bolǵan. Eger barlyq ereje saqtalyp, júrgizýshi men jolaýshylar qaýipsizdik beldigin taǵyp, balalar oryndyqtaryn paıdalansa, sondaı-aq kólikte tek 4 adam ǵana bolsa, apat bolǵan jaǵdaıda adam ómiri men densaýlyǵyna qatty qaýip tónbes edi.
Al, Duster kóliginiń júrgizýshisine qaýipsizdik beldigin taqpaǵany úshin bir aı buryn eskertý jasalyp, aıyppul salynǵan.
Osyǵan oraı, jol qaýipsizdigi erejelerin saqtap, óz ómirlerińiz ben balalaryńyzdyń ómirine jaýapkershilikpen qaraýlaryńyzdy suraımyn», dedi oblys turǵyndaryna polısııa general-maıory Aıan Dúısembaev.
