«Amanat» partııasy óńirlik fılıalynyń uıymdastyrýymen alapat órtten zardap shegip otyrǵan Semeı jurtyna 35 tonnaǵa jýyq gýmanıtarlyq kómek jiberildi. Atap aıtqanda, azyq-túlik ónimderi, aýyz sý, jeke gıgıenalyq zattar jáne janar-jaǵarmaı talondaryna qarajat jınaldy. «Amanat» partııasy Pavlodar oblystyq fılıalynyń tóraǵasy Ilıa Terenchenko aımaq halqy kórshiles óńir turǵyndaryna qıyn kezeńde qolushyn sozýda belsendilik tanytqanyn aıtady.
«Bastamaǵa jergilikti qoǵam belsendileri men iri kásiporyn ókilderi belsendi atsalysty. Bir kúnniń ishinde 15 mln teńgeden astam qarajat jınaldy. Abaı oblysynyń jurtshylyǵyna yńǵaıly bolsyn dep atalǵan óńir jetkizýshilerinen 10 jáne 20 lıtrlik talondarmen 10 tonna janar-jaǵarmaı satyp aldyq. Sondaı-aq zardap shekken otbasylardyń balalaryna joǵary oqý oryndarynan, ıaǵnı S.Toraıǵyrov ýnıversıtetinen 10 grant jáne Á.Marǵulan atyndaǵy pedagogıkalyq ýnıversıtetinen 5 grant sertıfıkaty beriledi», deıdi I.Terenchenko.
Qaıyrymdy isten aımaǵymyzdyń jastary da qalyspady. 30 eriktiden quralǵan joǵary oqý oryndarynyń stýdentteri qolushyn sozýǵa Semeı óńirine attanyp ketken. S.Toraıǵyrov ýnıversıteti janynan qurylǵan «Jaqsylyq jasa» eriktiler uıymynyń ókili Harıs Abdı adamdarǵa qolushyn sozý – basty maqsatymyz deıdi. «Abaı oblysyna 3 kúnge baramyz. О́rtten zardap shekken aýyl turǵyndaryna qoldan kelgenshe kómek kórsetemiz. Iаǵnı azyq-túlik, birinshi kezekte qajetti zattardy taratamyz. El bolyp kómektesetinimizge qýanamyz», deıdi ol.
Pavlodar oblysy
