Fýtboldan Qazaqstan quramasy Eýro-2024 irikteýinde tórtinshi týr oıynyn ótkizdi. Oıyn alańynda fýtbolshylarymyz tabandylyq tanytyp, qarsylasyn 1:0 esebimen jeńdi.
Matchtaǵy jalǵyz goldy alańǵa 88-mınýtta shyqqan Abat Aıymbetov soqty. «Astana» shabýylshysy óz aımaǵynda dopty qabyldap, brıtanııalyq komanda qorǵaýshylaryn qapy qaldyrdy. Týra qaqpaǵa qaraı jyljyp, dopty Beılı Pıkok-Farrel qorǵaıtyn qaqpaǵa dál baǵyttady.
Match aıaqtalǵan soń komandanyń bas bapkeri Magomed Adıev oıynshylarǵa rızashylyǵyn bildirdi.
Tórt týrdyń qorytyndysy boıynsha ulttyq quramamyz toǵyz upaı jınady. Al Soltústik Irlandııanyń úsh upaıy bar. Qazaqstan quramasy kelesi kezdesýin 7 qyrkúıek kúni óz alańynda toǵyz upaı jınaǵan Fınlıandııamen ótkizedi.
