JEŃIMPAZ POShTA BО́LIMShESI

Jýyrda “Qazposhtanyń” Semeı qalalyq fılıalynyń bastyǵy Manarbek Moldarahımov bizge ejelden muńymyz da, jyry­myz da bir edi, endi mınıstrligimiz de bir, endeshe baspasózge jazylý naýqany barysynda shalǵaıdaǵy Qaınar aýylyndaǵy poshta bó­limshesiniń jumysymen tanysyp qaıtpaımyz ba degen mazmunda ótinish bildirgen. Baqsaq baqa eken demekshi, “Qazposhtanyń” qalalyq fı­lıaly ótken jyldyń qorytyn­dysymen óz salasynda oblys boıynsha  jeńimpaz atansa, al Qaı­nardaǵy bólimshe qalalyq fılıalǵa qarasty otyzǵa jýyq bólimshe ishinen birinshi oryndy ıelenipti. Bul endi aıtqanǵa ǵana ońaı. Áıtpese, Semeı, Kýrchatov qalalary men Shúlbi qala úlgisindegi  kenti ishinen oza shaýyp , bas júldeni ıelený úlken jetistik. О́tken jyldyń qorytyndysy demekshi, sol jyly el gazeti “Ege­menniń” Semeı óńiri boıynsha taralymy birsha­ma artyp, 1200 danaǵa jetken edi. Soǵan Abyraly óńirindegi alty aýyldyq okrýgti baılanys qyzmetimen qamta­masyz etip otyrǵan Qaınar bólimshesiniń de qosqan úlesi zor. Qaladan bul jaqqa hat-habar, túrli deńgeıdegi basylymdar apta ishinde úsh ret jetkizilip tursa, sony atalǵan bólimshe aýyl-aýyldarǵa ýaqy­tynda taratyp beretin kórinedi. Munda “Egemenniń” ekinshi jartyjyldyqqa taralymy jyl basyndaǵy deńgeıge jetip úlgergenin estip bizdiń de kóńilimiz bir  marqaıyp qaldy. Qaınar bólimshesin Talǵat Sálmenov degen baýyry­myzdyń bas­qaryp kele jatqanyna jıyr-ma jylǵa jýyqtap qalypty. Iаǵnı, bul azamat ómirlik tájirı­beden kende emes. Qazirde bólimshede 12 adam jumys isteıtin kórinedi. Talǵat Túsipbekuly solar­dyń ishinen óziniń orynba-sary Gúlshat Shynybaeva, opera­torlar Bahargúl Muqysheva, Aıjan Shaıkenova, hat-habar taratýshy Jańagúl Orynbe­kovanyń esimderin iltıpatpen ataı ketýdi umytpaǵan. Ol budan keıingi jerde qalalyq fılıaldyń bastyǵy Manarbek Sady­qulyna da rıza ekenin aǵynan jarylyp baıandap jatty. Shyndyǵynda, sondaı qamqor­lyq nátıjesinde bólim­she erte bastan kompıýterlendirilip, ınternet júıe­sine qosylypty. Al ol kóptegen ıgi sharalardy júze­ge asyrýǵa múmkindik týǵyzypty. Qazirde bólimshe elimizdiń bes bankimen qoıan-qoltyq jumys jasap jatqan kórinedi. Aýyl turǵyndarynan túrli tólemderdi qabyldaý, aqsha aýdarý, aqsha alý sekildi sharýalarynda eshqandaı kidiris joq. Munyń syrtynda posttermınal arqyly kartochka júıesin paıdalanýshylar qatary da ýaqyt ótken saıyn arta túsip kele jatqan kórinedi. Al aýyl tur­ǵyndaryna jalaqy men zeınet­aqylaryn ýaqy­tynda taratý bó­lim­sheniń basty jumysy bolyp ta­by­la­dy. Bir sózben aıtqanda, atal­ǵan bólimshe jumysy sanalýan. Tek bir áttegen-aı ǵımarat má­selesine kelip tirelse, Moldara­hımov myrza osy joly ony da jartylaı sheship úlgerdi. Endi kóp uzamaı bólimshe keń de qolaıly ǵımaratqa jaıǵaspaq. Osy sapar barysynda aýyl ákimi Erkebulan Sháriphanovpen jolyǵyp, tildeskenbiz. Ákim aýyl­d­aǵy irgeli mekemeniń mundaǵy ıgi sharalardan eshqashan syrt qal­maıtyndyǵyn aıta kelip, bólimshe bastyǵy týraly da jaqsy pikir bildirgen. Talǵat tek isker basshy ǵana emes, ónerpaz jan eken. Án salatyn, Qaınar halyq teatrynyń jumysyna úzbeı atsalysatyn Talǵat kezinde Búkilodaqtyq fes­tıvaldiń laýreaty da atanypty. Ol qazirde de kórkemónerpazdar qatarynan tabylýda. Dáýlet SEISENULY. Shyǵys Qazaqstan oblysy.