Áleýmettik jelide órtenip jatqan avtobýs beınelengen vıdeo tarady.
«Bári aman. Jolaýshylar shyǵyp úlgerdi. О́rt sóndirýshiler tez jetti», dedi kýágerler.
Semeıdegi Shuǵaev kóshesinde avtobýs órtengeni týraly habarlama «101» pýltine saǵat 8:50-de tústi.
«Oqıǵa ornyna jetken qutqarýshylar 2013 jylǵy «PAZ» qoǵamdyq kóliginiń qozǵaltqysh bólikteri, aspaptyq panel, salondaǵy oryndyqtardyń janyp ketkenin anyqtady. О́rt aýmaǵy 20 sharshy metrdi qurady. Jalyn múmkindiginshe tez sóndirildi. О́rttiń aldyn ala sebebi - qaýiptiligi joǵary qondyrǵyǵa abaısyz qaraý», dep habarlady Abaı oblysy Tótenshe jaǵdaılar departamentiniń baspasóz qyzmeti.
Oblystyq tótenshe jaǵdaılar departamentiniń baspasóz qyzmeti qaıtys bolǵandar men zardap shekkender joq ekenin qosa aıtty.
