Agenttiktiń málimetine súıensek, úıindi astynda eki adam qalýy múmkin. Bul jaǵdaı Fransııa astanasynyń besinshi aýdanynda, Lıýksembýrg saıabaǵy men Panteonǵa jaqyn jerde ornalasqan Parıjdegi Amerıka akademııasynyń ǵımaratynda boldy.
Aldyn ala boljam boıynsha, ǵımarat ishinde gaz jarylyp, qasbeti jolǵa qulady. Jaqyn mańdaǵy úılerdiń turǵyndary evakýasııalandy.
Oqıǵa ornyna eki júzden astam órt sóndirýshi, qutqarý qyzmetteri, sondaı-aq Parıj meri Ann Idalgo keldi.
Prokýratýra jarylys sebebiniń eki nusqasyn tergeý ústinde – «qaýipsizdik erejelerin buzý» jáne «adamdardyń salaqtyǵy». Bul týraly brıfıngte Parıj prokýrory Lor Bekıýo habarlady.
