Elordalyq Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda qalalyq PD ákimshilik polısııa basqarmasymen kelise otyryp, Qordaı kóshesinde ortasha jóndeý jumysyn bastaıdy.
«Jóndeý jumysynyń júrgizilýine baılanysty 22-25 maýsym aralyǵynda Qordaı kóshesiniń B.Momyshuly dańǵylynan Balqantaý kóshesine deıingi ýchaskesinde kólik qozǵalysy tolyǵymen jabylady», delingen habarlamada.
Sondaı-aq Turan dańǵylynda ortasha jóndeý jumysy júrgiziletini belgili boldy:
21 maýsym saǵat 21:00-den 22 maýsym saǵat 12:00-ge deıin Turan dańǵyly men Qorǵaljyn tasjolynyń qıylysynda kólik qozǵalysy toqtaıdy;
22 maýsym kúni saǵat 21:00-den 23 maýsym kúni saǵat 12:00-ge deıin Turan dańǵyly men Saraıshyq kóshesiniń qıylysynda kólik qozǵalysy tolyǵymen shekteledi.
«Astana qalasy PD ákimshilik polısııa basqarmasynyń kelisimi boıynsha Sulýkól kóshesindegi turǵyn úılerdi ortalyq jylýmen qamtamasyz etý maqsatynda qalanyń otyn-energetıkalyq kesheni jáne kommýnaldyq sharýashylyq basqarmasy Shuǵyla kóshesindegi jylý trassasyn salý jobasy aıasynda jumys júrgizilip jatyr», dep jazdy elorda ákimdiginiń resmı saıty.
Osy sebepterge baılanysty 22 maýsymnan 15 shildege deıin Shuǵyla kóshesiniń N.Tilendıev dańǵylynan Ardagerler kóshesine deıingi ýchaskeleri kezeń-kezeńmen ishinara jabylady.
