Qasıetti «Qurban aıt» merekesi qarsańynda asa qaýipti juqpaly aýrýlardyń, jappaı tamaqtan ýlanýdyń jáne mal satý, qurbandyq shalý kezinde jiti ishek ınfeksııalarynyń aldyn alý maqsatynda kelesi talaptar saqtalýy qajet.
Mal satý, soıý beketterinde:
- qurbandyqqa shalynatyn maldardy satý men soıý arnaıy oryndarda, tıisti veterınarlyq qujattarmen (veterınarlyq pasport, qulaq syrǵalary) júzege asyrý;
- mal soıý oryndarynda sanıtarııalyq-epıdemıologııalyq talaptardy qatań saqtaý (sýmen jabdyqtaý, káriz júıeleriniń bolýy), mal soıý barysynda shyqqan qaldyqtardy ýaqtyly zalalsyzdandyryp, shyǵarý;
- qyzmetkerlerde medısınalyq kitapshalardyń bolýy, jeke bas gıgıenasyn qatań saqtaý.
Úı jaǵdaıynda:
- qonaqtardyń qol jýýyna jaǵdaıdyń bolýy;
- tamaqtaný bólmelerin turaqty jeldetý;
- shıkizat pen tamaq ónimderin qaýipsizdigin kýálandyratyn taýardyń ilespe qujattamasy bar oryndardan satyp alý;
- úı jaǵdaıynda daıyndalǵan konservi (salattar, et, qus, balyq, sańyraýqulaq jáne t.b.) ónimderin paıdalanar aldynda 15-20 mınýt termııalyq óńdeýden ótkizý;
- et, qus, jumyrtqadan tez buzylatyn taǵamdar, sondaı-aq pashtetter, aspazdyq ónimder, kremi bar kondıterlik ónimder, salattardy daıyndaǵannan keıin birden qoldaný, saqtaý talaby buzylǵanda, kelesi kúni paıdalanbaý;
- teriniń irińdi aýrýlary, irińdi kesilgen jaraqattar, kúıikter, jaralar, sondaı-aq joǵary tynys alý joldarynyń aýrýy bolǵan jaǵdaıda tamaq ázirleýge qatyspaý kerek.
Qoǵamdyq tamaqtaný nysandary men meshitterde:
- sýyq, ystyq sýmen jabdyqtaý, sý tartýmen qamtamasyz etý, kelýshiler men personalǵa arnalǵan rakovınalar, qol jýý, súrtý jáne (nemese) keptirý qurylǵylarymen jáne quraldarmen jaraqtaý;
- jeldetý, aýa baptaý júıeleriniń úzdiksiz jumys isteýi;
- taýardyń qaýipsizdigin qamtamasyz etetin ilespe qujattamasynyń bolýy;
- tamaqtaný obektisiniń sharýashylyq aımaǵynda sanıtarııalyq-gıgıenalyq jaǵdaılardy qamtamasyz etý;
- personalda arnaıy kıimniń, medısınalyq qarap-tekserýden, gıgıenalyq oqytýdan ótken jáne jumysqa ruqsaty bar jeke medısınalyq kitapshasynyń bolýy;
- kún saıyn jumys aýysymy bastalar aldynda personaldy medısınalyq qarap-tekserý.
Esterińizge sala keteıik, joǵaryda atalǵan sanıtarııalyq-epıdemıologııalyq talaptardy saqtamaý halyq arasynda tamaqtan ýlaný jáne asa qaýipti, jiti ishek ınfeksııasy jaǵdaılarynyń týyndaýyna yqpal etýi múmkin.
