20 maýsymda bastalǵan birqatar is-shara «Abaı» operasymen saltanatty túrde qorytyndylandy. Qoıylymǵa QR Mádenıet jáne sport mınıstri Ashat Oralov bardy.
«Birneshe kún ishinde О́zbekstannyń iri qalalarynda qazaqstandyq fılmderdiń kórsetilimderi, artısterimizdiń gala-konsertteri jáne basqa da is-sharalar ótti. Qazaqstannyń mádenıet kúnderin «Abaı» operasynyń kórsetilimi aıaqtaıdy. Abaı Qunanbaıuly - qazaq halqynyń ǵana emes, búkil álem úshin dańqty tulǵa. Abaı árqashan adamzat balasyn súıýge shaqyrǵan. Osy qaǵıdalarǵa súıene otyryp, biz ózbek áriptesterimizben qarym-qatynasty nyǵaıtý baǵytynda jumys isteımiz dep ýaǵdalastyq. О́zbekstan Respýblıkasynyń mádenıet jáne týrızm mınıstrligine rýhanı qoldaý kórsetkeni jáne kómekteskeni úshin erekshe rahmet aıtamyn», dedi QR Mádenıet jáne sport mınıstri.
Mınıstr О́zbekstanǵa jumys sapary aıasynda Tashkenttiń birqatar tarıhı-mádenı eskertkishterin aralady. Bul Tóle bı kesenesi jáne álemdegi eń kóne Quran qoljazbasy saqtalǵan Hast-Imam meshiti.
Sonymen qatar Ashat Oralov ózbek áriptesi Ozodbek Nazarbekovpen ekijaqty kezdesý ótkizdi, onda eki eldiń mádenıet jáne týrızm salasyndaǵy yntymaqtastyǵy talqylandy.
