«Balalar úıiniń dırektory men bas býhgalteri ózderine joǵary jalaqy tóledi, joǵary syılyqaqylar men issapar shyǵyndaryn tizimdedi. Jymqyrý shtat kestesi men qazynashylyq esepterdi salystyrý barysynda anyqtaldy. Onda tıisti jalaqy men naqty tólengen jalaqy arasyndaǵy aıyrmashylyq paıda boldy. Sonymen qatar «О́li jandar» dep atalatyn jumys istemeıtin adamdarǵa jalaqy tólendi. Balalar úıi basshylyǵynyń zańsyz áreketteriniń nátıjesinde memleketke zalal keltirildi», dep habarlady Bas prokýratýranyń baspasóz qyzmeti.
Osy fakti boıynsha prokýratýra Qylmystyq kodekstiń 189-baby 3-bóliginiń 2, 3-tarmaqtary boıynsha qylmystyq is qozǵady. Isti sotqa deıingi tergeý sybaılas jemqorlyqqa qarsy qyzmetke tapsyryldy.
Osy baptyń sanksııasy belgili bir laýazymdardy atqarýǵa nemese belgili bir qyzmetpen aınalysýǵa tyıym sala otyryp, 7 jylǵa deıin bas bostandyǵynan aıyrýdy qarastyrady.
