Foto: Kazgazeta.kz
«Qadirli dostar!
Jaǵymdy jańalyǵymyz bar. 2 aqpan – Ulttyq basylym kúni bolyp bekitildi.
Bastaýynda Ahmet Baıtursynuly, Álıhan Bókeıhanuly, Mirjaqyp Dýlatuly sekildi ult zııalylary turǵan «Qazaq» gazetiniń alǵashqy nómiri osydan 110 jyl buryn, 2 aqpan kúni jaryq kórgeni belgili. Alash ardaqtylarynyń qoltańbasy qalǵan gazet ulttyq renessanstyń qaınar kózine aınalyp, halqymyzdyń aqyl-oıyn, sana-sezimin bólek arnaǵa burdy.
Memleket basshysy buǵan deıin Qazaq radıosynyń 100 jyldyǵy aıasynda 1 qazandy Radıo qyzmetkerleri kúni dep resmı túrde bekitken edi. Endi mine, jýrnalıster qaýymy úshin taǵy bir ataýly kún belgilenip otyr.
Baspasóz salasynda eseli eńbek etip, qalam terbep júrgen barsha áriptesterimizdi ulttyq baspasóz kúniniń belgilenýimen quttyqtaımyn!», delingen Aqparat jáne qoǵamdyq damý mınıstriniń habarlamasynda.
