«Qazir tabıǵı monopolııa komıteti buǵan jaýapty memlekettik organdarmen jumys istep jatyr. Kommýnaldyq qyzmet tarıfterin 15-20 paıyzǵa kóterýdi surap otyrmyz», dedi elorda ákimi Jeńis Qasymbek ortalyq kommýnıkasııalar qyzmetinde ótken jıyn barysynda.
Ol qazirgi ýaqytta jeke tulǵalar úshin elektr energııasynyń tarıfi bıýdjetten bólingen sýbsıdııalardy eskere otyryp, bir kVt/saǵ úshin 16 teńgeni quraıtynyn atap ótti. Memlekettik mekemeler sonyń ishinde mektepter, balabaqshalar, aýrýhanalar kVt/saǵ úshin 50 teńge tóleıdi.
«Mysaly, Almatyda jáne basqa qalalarda kVt-saǵ quny áldeqaıda joǵary. Sondyqtan Astanada tarıfterdi mundaı deńgeıde ustaı almaımyz. Biz elektr jelilerine ınvestısııa salýymyz kerek, olardy retke keltirýimiz kerek», dep túsindirdi Jeńis Qasymbek.
Onyń aıtýynsha, sýdyń tekshe metri Astanada 48 teńge bolsa, Almaty, Qaraǵandy jáne basqa qalalarda 100-den 150 teńgege deıin, keıbir eldi mekenderde 200 teńgege deıin barady.
1 shildeden bastap barlyq óńirlerde kommýnaldyq qyzmetterdiń tarıfteri kezeń-kezeńimen ózgeredi.
