«Búgin saǵat 13.54-te 112 pýltine «Artýr» saýda úıiniń shatyry qulaǵany týraly habarlama tústi. Jergilikti atqarýshy organdardyń aqparaty boıynsha qırandynyń jalpy aýdany 300 sharshy metrdi quraıdy. Oqıǵa ornynda Pavlodar oblysy TJD Jedel-qutqarý jasaǵynyń 8 qutqarýshysy men 2 birlik tehnıkasy jáne Apattar medısınasy ortalyǵynyń 3 medısına qyzmetkeri jumys istedi. Qutqarýshylar konstrýksııany bólshekteýge kiristi. Olar 1975 jyly týǵan er adamdy úıindiniń astynan alyp shyǵyp, jedel járdem brıgadasyna tapsyrdy», delingen TJM habarlamasynda.
Qutqarýshylar zardap shekken adamdy bloktan shyǵarý úshin arnaıy gıdravlıkalyq qutqarý quraldaryn qoldandy. Zardap shekken adamdy alyp shyqqannan soń oqıǵa ornyna barlaý júrgizildi, sondaı-aq jaqyn mańdaǵy 13 avtomobılde zardap shekkenderdiń bar-joǵy tekserildi.
Taǵy bir er adamdy jedel medısınalyq járdem brıgadasy qutqarýshylar kelgenge deıin aýrýhanaǵa jatqyzdy.
