«G4 City» jobasy Almaty oblysynda 2008 jyldan beri júzege asyrylyp keledi. Almaty-Qonaev tas jolynyń boıynda jalpy aýdany 8 myń gektardan asatyn 250 myń turǵynǵa arnalǵan Gate City, Golden City, Growing City, Green City ortalyqtarynan quralǵan zamanaýı aýdan salynyp jatyr.
Birinshi spýtnık qala Gate City – turǵyn úı qurylysy men ındýstrııalyq aımaǵy bar iri bıznes jáne qarjy ortalyǵy. Bas jospar boıynsha onyń aýmaǵy shamamen 2,4 myń gektardy quraıdy. Sarapshylardyń pikirinshe, 2030 jylǵa qaraı Gate City aýmaǵynda 90 myń adam turatyn bolady. Munda barlyǵy 74 toǵyz qabatty úı, 10 mektep, 16 balabaqsha, 4 emhana boı kóteredi.
Májilismen spýtnık qalalardyń kommýnaldyq ınfraqurylymyna erekshe nazar aýdarý qajettigin atap ótti.
«Bul rette halyqty sapaly aýyz sý men elektr energııasymen úzdiksiz qamtamasyz etý máseleleri partııalyqtardyń erekshe baqylaýynda bolýy tıis. Jylýmen jabdyqtaý nysandarynyń daıyndyǵyn da baqylaý qajet», dedi M.Rojın.
Depýtat turǵyn úı baǵasy qoljetimdi bolýy qajet ekenin aıtty.
Joba birneshe kezeńnen turady. Birinshi kezekte «Gate City» spýtnık qalanyń ınjenerlik-kommýnıkasııalyq ınfraqurylym nysandaryn salý tur. Qazirgi ýaqytta 86,5 shaqyrym magıstraldyq jelileri aıaqtaldy. Elektr qosalqy stansasy, avtomatty gaz taratý, magıstraldyq sý qubyry men kárizdik sorǵy stansııasy bar sý tartý qondyrǵylary salyndy. Uzaq merzimdi qurylys nysandarynyń qatarynda joǵary sý jylytý qazandyǵy men «Almaty-Qonaev» tas jolynyń boıyndaǵy kópir bar.
