Dúnıejúzilik Aýdaryspaq federasııasy quryldy

Tuńǵysh sezge Qazaqstan, Qyr­ǵyz­stan, О́zbekstan, Mońǵolııa, Reseı, Qy­taı, Ma­jarstan ókilderi qatysty.

Atalǵan jıynǵa qatysýshylar At ús­­­­­tindegi kúres (aýdaryspaq) dúnıe­jú­zi­­­lik federasııanyń resmı quryl­ǵany jó­ninde málimdep, Almaty qalasy fe­de­ra­sııanyń shtab páteri retinde be­ki­­ge­nin habarlady. Sondaı-aq qaty­sý­­shy mem­leket ókilderi At ústindegi kú­res­ (aýdaryspaq) dúnıejúzilik fe­de­ra­sııa­synyń prezıdentigine Qazaq­stan Res­pýb­lıkasy Aýdaryspaq federa­sııa­sy­nyń prezıdentigine «Atasu Group» kom­panııa­synyń basshysy Marat Jumandy saılady.

Sezge arnaıy qatysqan Ulttyq sport qaýymdastyǵynyń prezıdenti Islam­bek Saljanov aıtýly sharanyń ma­ńyz­yna toq­taldy.

– Búgin – elimizdiń ulttyq sport tarı­hyndaǵy mańyzdy kúnderdiń biri. Ult­tyq sportymyz aýdaryspaq oıynyn álem­­dik dárejege kóterer sát týdy. Re­seı, Qytaı, Mońǵolııa, Qyrǵyzstan, О́z­bekstan,  Majarstanmen bir­lese Aýdaryspaq sportyn damytyp dú­nıejúzine tanytatyn bolamyz! Barsha­ńyzǵa belgili, kelesi jyly elimizde V Dú­nıe­júzilik Kóshpeliler oıyndary ótedi. Kóshpeliler urpaǵy sanalatyn bizder bul sharany óte joǵary deńgeıde ótkizýi­miz kerek. Bul másele Memleket basshysy Qasym-Jomart Toqaevtyń da jiti nazarynda. Kóshpeliler oıyndaryn tıisti dárejede ótkizý máselesinde Ulttyq sport qaýymdastyǵy ózine qarasty federasııa­larmen birlese júıeli jumystardy bastap ketti. Búgingi Dúnıejúzilik Aýdarys­paq federasııasynyń qurylýy sonyń dáleli dep bilemin. Osy oraıda, atalǵan sport­tyń damýy men órkendeýinde tynymsyz eńbek etip júrgen Aýdarys­paq fe­de­rasııasy­nyń prezıdenti Marat Juman myrzaǵa erekshe alǵysymdy bildire­min, – dedi Islam­bek Saljanov.

О́z kezeginde At ústindegi kúres­ (aýda­ryspaq) dúnıejúzilik federa­sııa­sy­nyń jańa prezıdenti Marat Juman alda úlken jumys kútip turǵanyn málimdedi.

Búgin barshamyz Almatynyń tórin­de asa mańyzdy sharaǵa jınaldyq. Osy mańyzdy basqosýǵa dástúrli at spor­tyn dá­ripteıtin elderden kelgen ókil­der­ge, sondaı-aq Ulttyq sport qaýym­das­tyǵyna óz rızashylyǵymdy bil­di­remin. Bú­gingi jıynymyz qazaq eli úshin, ult­tyq sportymyz úshin tarıhı kún bolady. Álemniń alpaýyt birneshe memle­ketimen birlesip At ústindegi kúres dú­nıejúzilik federa­sııasyn qurý arqyly biz ulttyq sportymyzdy jahanǵa pash etemiz degen úlken ­josparymyz bar. Bizdi alda úlken jumystar kútip tur. Bolashaq­ta federasııaǵa múshe eldermen birlese atalǵan sporttyń damyp, órkendeýine kúsh salatyn bolamyz, dedi Marat Qojahanuly.

Sondaı-aq jıyn barysynda biryń­ǵaı oıyn erejeleri bekitildi. Negizgi ereje­ler qazaqtyń ulttyq sporty aýdaryspaq­tan alyndy. Odan bólek, sportshylar­dyń salmaq dárejeleri qabyldanyp, alda ótetin jarystardyń kúntizbelik jos­pary bekitildi. Halyqaralyq oıyndardy ádil ótkizý maqsatynda mindetti túrde VAR (beı­­nebaqylaý) qoıylý mindetteldi.

Jıyn sońynda Qyrǵyzstan ókilderi jańa bekitilgen bir­yńǵaı oıyn erejeleri boıynsha alǵashqy álem chempıonatyn osy jyldyń qyrkú­ıek aıynda Ystyqkólde ótkizýdi usyndy. Bul bastamany qatysýshy elder bir­aýyzdan maquldady.

ALMATY