17 shildede «Bolashaq» baǵdarlamasy aıasynda qujattardy qabyldaýdyń tórtinshi legi bastaldy. Qujat qabyldaý 2023 jylǵy 15 qyrkúıekke deıin jalǵasady.
2023 jyly magıstratýra jáne rezıdentýra baǵdarlamalaryna 395 stıpendııa, doktorantýraǵa 50 stıpendııa, taǵylymdamadan ótý úshin 110 stıpendııa bólindi.
Aıta keteıik, «Bolashaq» baǵdarlamasy aıasynda ınjenerlik-tehnıkalyq kadrlardy daıarlaýǵa basymdyq beriledi. Úmitkerlerdi qoldaý úshin «Injenerlik-tehnıkalyq qyzmetkerler» jańa jeńildik sanaty engizildi. Sonymen qatar Halyqaralyq baǵdarlamalar ortalyǵynyń bastamasymen medısınalyq qyzmetkerlerdi irikteý qaǵıdalary jetildirildi.
Atalǵan ózgertýlerdiń arqasynda qazaqstandyq dárigerler men tehnıkalyq qyzmetkerler merzimi 12 aıǵa deıingi tegin tildik daıyndyqtan óte alady.
