Kúnshyǵys elindegi jarysta elimizdiń sportshylary da óner kórsetip jatyr. Álem chempıonatynyń kezekti kúninde jarys jolyna otandasymyz Edýard Kım shyǵyp, el qorjynyna álem birinshilikteri tarıhyndaǵy alǵashqy júldeni saldy. Artıstik júzý básekesinde baq synaǵan Kım tehnıkalyq baǵdarlamada 216.000 upaı jınap, álem chempıonatynyń qola medalin ıelendi. Bul synda bas júldeni ıspanııalyq Dıas del Rıo Sol Fernando (224.555) oljalasa, kúmis júlde amerıkalyq Gode Kennetke (216.800) buıyrdy.
Aıta ketý kerek, erler arasyndaǵy artıstik júzý bıyl alǵash ret əlem chempıonatynyń baǵdarlamasyna qosylyp otyr. Japonııadaǵy aıtýly bəsekeniń fınalynda 10 sportshy alǵashqy júlde jıyntyǵyn sarapqa saldy. Bul sport túrinen atletter endi 22 shildede erkin baǵdarlamada baq synaıdy. Buǵan qosa Qazaqstan quramasy sýda júzý, sý doby (erler, áıelder) jáne ashyq sýda júzý jarystarynda óner kórsetedi. Doda 30 shildede aıaqtalady.
