Mysaly, ótken jyldyń sáıkes merziminde barlyǵy 29 ótinim kelip túsip, onyń 17-si maquldansa, bıyl 87 ótinim qarastyrylyp, Qor tarapynan 4 mıllıard 400 mıllıon teńgege 27 joba qoldaý taýyp otyr. Osylaısha 454 myń qazaqstandyqqa qamqorlyq jasaldy, onyń ishinde 22 myńy bala, al 81 myńy – aýyl turǵyny.
«Bul kórsetkishter biryńǵaı qaıyrymdylyq operatory ustanǵan ashyq saıasattyń nátıjesi bolyp otyr», dep eskerdi Alfııa Adıeva.
Qazirgi tańda jobalar sany ótken jylǵy 35-ti qosqanda 62-ni mejeleýde.
27 joba kelesideı áleýmettik mańyzdy baǵyttardy qamtıdy:
1. Densaýlyq saqtaý salasynda jalpy bıýdjeti 954 mln teńgeden astam somaǵa 4 joba maquldandy jáne iske asyrylýda;
2. Bilim berý salasynda – 1 mıllıard 173 mln teńgege 7 joba;
3. Halyqtyń neǵurlym áleýmettik osal toptaryn qoldaý baǵyty boıynsha 1 mıllıard 64 mln teńgege 11 joba jumys isteýde;
4. О́ńirlerdi damytý salasyna - 782 mln teńge bolatyn 2 joba bar;
5. Mádenıet jáne sport baǵytynda - 443 mln teńgege 3 joba maquldandy.
Jalpy qaıyrymdylyq bıýdjeti 2022 jylǵydaı 10 mlrd teńgeni qurap otyr.
Baspasóz máslıhatynda qaıyrymdylyq qyzmetinde balalardy qoldaýǵa basa nazar aýdarylatyny týraly da aıtyldy. Mysaly, Pedıatrııa jáne balalar hırýrgııasy ǵylymı ortalyǵynyń onkologııa bólimine 228 mln teńge turatyn qan quramyn óńdeýge qajet qondyrǵy alyndy. Tirek-qımyl apparaty buzylǵan 200 balaǵa arnalǵan sport lageri uıymdastyryldy. Qordyń qamqorlyǵymen Almatyda Daýn sındromy bar balalarǵa týǵanynan damý men oqýdyń barlyq satysynan ótýge múmkindik beretin ortalyq qoldanysqa tapsyryldy. Jańǵyrtylǵan nysan ınklıýzıvti bilim berý salasyndaǵy mamandardy daıyndaýǵa jáne Daýn sındromy bar adamdardy jumysqa ornalastyrýǵa jol ashady.
Shara barysynda «Samruk-Kazyna Trust» qory 2023 jyldyń sońyna deıin atqarylýy tıis josparymen de bólisti. Máselen, Qostanaı oblysy Amanqaraǵaı aýylynda aýqymdy dene shynyqtyrý-saýyqtyrý kesheni paıdalanýǵa beriledi. Sonymen qatar Qyzylorda, Abaı, Pavlodar, Aqmola jáne Qostanaı oblystarynda aýa-tirek qurylymyndaǵy kópsalaly sport keshenderi iske qosylady. 2023 jyldyń aıaǵyna deıin qazaq ulttyq aspaptary men memlekettik tildegi kitaptar jınaǵy óńirlerdiń mýzykalyq mektepteri men kitaphanalaryna beriledi.
Jyl basynan beri aýtızmi bar balalarǵa arnalǵan 4 jáne 4 erte aralasý ortalyǵy ashylsa, aldaǵy 6 aı ishinde taǵy osyndaı 13 ortalyq iske qosylyp, nátıjesinde barlyǵy 9 myńǵa jýyq balaǵa qamqorlyq jasalatyn bolady. «Samuryq-Qazyna» qorynyń 15 jyldyǵyna oraı biryńǵaı qaıyrymdylyq operatory arqyly Qor kompanııalary atynan halyqtyń áleýmettik osal toptaǵy otbasylarynan shyqqan 15 myń birinshi synyp oqýshysy mektep zattary jıyntyǵymen qamtamasyz etiledi.
Biryńǵaı qaıyrymdylyq operatorynyń qyzmeti arqyly aldaǵy ýaqytta da «Samuryq-Qazyna» AQ kompanııalar tobynyń júıequraýshy kásiporyndary ornalasqan aımaqtarda halyqtyń ómir súrý sapasyn jaqsartýmen birge, jalpy elimizdiń áleýmettik-ekonomıkalyq órkendeýine úles qosylmaq.
