Onda qos eldiń shekaralyq temirjoldarynyń jumysy da qaraldy. Bıylǵy jarty jylda Qazaqstannan Qytaıǵa 8,3 mln tonna túrli júk jóneltilipti. Bul ótken jyldyń osy kezeńimen salystyrǵanda 37 paıyzǵa artyq.
О́tken jartyjyldyqta astyq eksporty úsh esege, 1 mln tonnaǵa deıin, metall keni – 15 paıyzǵa, 4 mln tonnaǵa deıin ósken. Onyń ishinde 2,6 mln tonnasy – temir keni. Bul – ótken jylǵy qańtar-maýsym deńgeıinen 25 paıyzǵa artyq. Sonymen qatar 220 myń tonna tústi metall eksporttalyp, ótken jyl kórsetkishimen salystyrǵanda ósim 55 paıyzdy qurady. Sondaı-aq ósimdik maıyn jóneltý 75 myń tonnaǵa deıin ulǵaıyp, ósim 70 paıyzǵa deıin artty.
Qytaıdan Qazaqstanǵa júk ımporty 2023 jylǵy qańtar-maýsymda 13 paıyzǵa, 5,4 mln tonnaǵa deıin ósti. О́tken jyldyń sáıkes kezeńimen salystyrǵanda jeńil avtomobılder – 13, qurylys júkteri – 30, al hımııalyq júkter 5 paıyzǵa kóp ımporttalǵan.
Eki el arasyndaǵy temirjol kóligimen tasymaldaý kólemi 13,7 mln tonnany qurady. Bul ótken jyldyń sáıkes kezeńimen salystyrǵanda 26 paıyzǵa artyq.
Qos taraptyń shekara mańy stansalary ujymdarynyń birlesken sharalary men úılesimdi jumysynyń nátıjesi Qytaıdyń shekara ótkelderi arqyly temirjol kóligimen júk tasymaldaý kólemin ulǵaıtýǵa yqpal etedi.
