«Ol Áblıazov basqarǵan «BSC» JShS-nyń nomınaldy dırektory bolǵan. Áblıazov jáne onyń sybaılastary osy kompanııany zańsyz nesıelendirý arqyly BTA Bankten asa iri kólemde qarajat jymqyrǵan. Nurǵazın sottalýshy bola tura, eshqaıda ketpeý týraly mindettemesin buza otyryp, qylmystyq jaýapkershilikten jaltarý maqsatynda sottan jasyrynǵan. 12 jyl boıy Lıtva aýmaǵynda jasyrynyp, sol jerde bosqyn mártebesin alǵan. Nurǵazın Qazaqstanǵa óz erkimen oralýǵa nıet bildirdi. 2023 jylǵy 24 shildede pasporttyq baqylaýdan ótkennen keıin ol ustalyp, ýaqytsha ustaý ızolıatoryna qamaldy», dep habarlady vedomstvo.
Bas prokýratýra ókilderiniń aıtýynsha, Nurǵazınniń jasy men densaýlyq jaǵdaıy eskerilip, 2023 jyldyń 25 shildesinde sot oǵan bultartpaý sharasyn úıqamaqqa alý dep ózgertti.
«Jaqyn arada basty sot talqylaýy qaıta bastalady. Onyń jaýapkershiliginiń kólemin sot aıqyndaıtyn bolady», dep qosty Bas prokýratýranyń baspasóz qyzmeti.
