Senator sapar barysynda birqatar strategııalyq mańyzdy nysandy aralady jáne óńirdegi problemalyq máselelermen tanysty.
Depýtat sonymen qatar fermerlik sharýashylyqtarda da boldy jáne aýyl sharýashylyǵy ónimin óndirýshilerdiń jumysymen tanysty. О́ńirde tamshylatyp sýarý júıesin paıdalanyp jumys isteıtin baý-baqsha sharýashylyqtaryna erekshe mán berilip otyr. Olardyń kópshiligi qazirdiń ózinde memleketten sýbsıdııa alǵan. Senator óz sózinde sharýalardyń kúrdeli máselelerin sheshýde zańnamalyq kómek kórsetýge daıyn ekenin atap ótti.
* * *
Senatorlar Kókshetaý qalasynyń aldaǵy jylytý maýsymyna daıyndyǵymen tanysty.
Aqmola oblysynan saılanǵan depýtattar Nurlan Bekenov pen Talǵat Júnisov Kókshetaý qalasynda boldy. Senatorlar qaladaǵy birqatar nysandy aralady jáne jylytý maýsymyna daıyndyq barysymen tanysty.
Parlamentshiler aldaǵy jylý maýsymyna jabdyqtar men jylý jelisiniń daıyndyǵy jáne jóndeý jumystary júrgizilip jatqan jylý qazandyqtarynyń jaǵdaıynan habardar boldy. Senatorlar Krasnyı Iаr aýylyna barar jolda ornalasqan oqý-tárbıe kesheni qurylysynyń barysymen de tanysty.
Depýtattar memlekettik organdarmen birlesip qolǵa alynǵan sharalar, onyń ishinde energetıka salasyn damytý jónindegi jumystar týraly aıtyp berdi.
* * *
Parlament Senatynyń depýtattary Álı Bektaev, Murat Qadyrbek, Alısher Satvaldıev Túrkistan oblysynyń Ordabasy aýdanyndaǵy birqatar eldi mekendi aralady.
Senatorlar sapar barysynda oblystyń birqatar strategııalyq mańyzdy nysandary men fermerlik sharýashylyqtarynda boldy. Parlamentshiler aýdandyq ardagerler keńesiniń múshelerimen jáne jastar uıymdarynyń basshylarymen de kezdesti. Turǵyndar kezdesý barysynda sý arnasynyń qurylysy, óndiris, aýyl sharýashylyǵy jáne óńirdegi áleýmettik nysandardyń qurylysyna qatysty birqatar máselelerdi kóterdi.
Depýtattar óz kezeginde kóterilgen máseleler baqylaýda bolatynyn jáne tıisti organdardyń nazaryna usynylatynyn jetkizdi.
* * *
Senator Sultanbek Mákejanov óńirge sapary aıasynda Almaty oblysynyń Talǵar aýdanynda ornalasqan jylyjaı kesheni jumysymen tanysty.
Depýtat osynda ósetin ónimdi ósirý men saqtaýdyń, jylyjaıdy damytý salasyndaǵy jańa tehnologııany paıdalaný barysymen tanysty.
Kezdesý kezinde otandyq jylyjaı sharýashylyǵyn odan ári órkendetýdiń problemalyq máseleleri men keleshegi talqylandy. Osy salany memlekettik qoldaý salasy da qyzý talqylanǵan taqyryptardyń biri boldy.
Senator bul baǵytta tıisti memlekettik organdar, kvazımemlekettik sektor depýtattyq korpýspen birlesip, memlekettik qoldaý tetikterin pysyqtap jatqanyn atap ótti.
«Senat Úkimetpen birlese otyryp, otandyq kásipkerlerge qoldaý kórsetýdi jalǵastyra beredi jáne yntymaqtastyqtyń jańa nysandaryn ázirleıtin bolady», dep atap ótti senator.
Depýtat kezdesý sońynda Parlament Senatynyń elimizdi áleýmettik-ekonomıkalyq damytýǵa jáne halyqtyń tabysyn arttyrýǵa baǵyttalǵan zań shyǵarý jumysy týraly aıtyp berdi.
