Bizge Sarybel sarqyramasyn Samar aýdandyq gazetiniń basshysy Taýnar Qaıratuly kórsetti. Áýeli jylap aqqan bulaqty kórgende, tobyqtan aspaıdy ǵoı dep, mensinbegen syńaı tanytqanbyz. Sál tómen quldılap edik, syzdyqtaı aqsa da, gúrili qulaq tundyrardaı. Shuńqyrǵa qaraı qulap jatyr. Etegindegi kól aınadaı. Kóldi qorshap jatqan jaqpar tastar qyzdyń jıǵan júgindeı eken. Mundaı ásem tabıǵatty kóp eshkimniń bilmeı júrgeni qalaı deımiz. Onyń ústine Sarybeldiń sýyna túsip, qumyna qyzdyrynyp ketetin týrıst kóp. Bir jaǵynan bilmegenderi de durys pa deımiz. Áıtpese, ár talyna aqtyq baılap, mańaıyn qoqysqa toltyryp keter me edi? Al qazirgi sarqyrma mańy tap-tuınaqtaı. Tabıǵı qalpy. О́kinishtisi, bul sulýlyqty tamashalaıtyn ýaqyt shekteýli. Tamyzǵa qaraı sarqyrama sýalyp qalady.
– «Negizi, bul – aýyldyń shetindegi bulaq. Kóktemde sýy molaıyp, sarqyrama bolyp aǵady. Jazdyń ortasyna qaraı sýy azaıyp ketkende, sarqyrama da toqtap qalady. Biraq mundaǵy kórinis keremet. О́zimiz Sarybel sarqyramasy dep atap aldyq», – deıdi Taýnar Qaıratuly.
Aıtqandaı, Buqtyrma sý qoımasynyń jaǵasynda jatqan Sarybel aýyly erteńgi kúni úlken týrıstik mekenge aınalýy ábden múmkin. Jumbaq sarqyrama da týrısterdi tartatyn orynǵa aınalar.
