NASPAA – memlekettik basqarý salasyndaǵy bilim berýdiń halyqaralyq qaýymdastyǵy – memlekettik jáne mýnısıpaldyq basqarýdaǵy magıstrlik baǵdarlamalardy akkredıtteý salasyndaǵy baıyrǵy birlestikterdiń biri. Bul memlekettik basqarý salasyndaǵy jalpy tanylǵan bilim standarty.
Osyndaı tamasha jetistik Nazarbaev ýnıversıteti Joǵary memlekettik saıasat mektebiniń elimizdiń jáne aımaqtyń memlekettik saıasat pen basqarý salasy boıynsha bilim berýdegi kóshbasshy retindegi ustanymyn odan ári nyǵaıta túsedi.
NASPAA-nyń akkredıtteýi – atalǵan joǵary oqý ornynyń stýdentterine kóptegen artyqshylyq beredi. Bir jaǵynan, bul – halyqaralyq standarttarǵa saı sapaly bilim alýǵa kepildik. Quzyrettilikti NASPAA-men sáıkestendirý NU GSPP túlekteriniń taldaý, sıntez, synı oılaý, máselelerdi sheshý, dáleldi sheshim qabyldaý, tıimdi kommýnıkasııa jáne qoǵam múddesi úshin qajetti daǵdylar men bilimge ıe bolýyn qamtamasyz etedi.
Nazarbaev ýnıversıteti Joǵary memlekettik saıasat mektebiniń negizgi strategııalyq seriktesi, Sıngapýr ulttyq ýnıversıtetiniń Lı Kýan Iý memlekettik saıasat mektebimen birlesip ázirlengen. Sıngapýrǵa tájirıbelik bilim berý saparyn qamtıtyn oqý baǵdarlamasy magıstranttardy tabysty mansapqa daıyndap, qoǵamdaǵy ózgeristerge tıimdi áser etedi.
Sondaı-aq 2019 jyly Nazarbaev ýnıversıteti Joǵary memlekettik saıasat mektebiniń magıstrlik baǵdarlamalary EAPAA – memlekettik basqarý baǵdarlamalaryn akkredıtteý jónindegi Eýropalyq qaýymdastyǵynyń tolyq akkredıtasııasyn alǵan bolatyn
– Biz NASPAA men EAPAA-nyń tolyq akkredıtteýinen ótken eki magıstrlik baǵdarlamasy bar álemdegi jalǵyz oqý orny bolǵanymyzdy maqtan tutamyz. Bul erekshelik bizdiń baǵdarlamalarymyzdyń joǵary sapasy men jaýapkershiligin kórsetedi. NASPAA-nyń akkredıtteýiniń arqasynda biz Qazaqstannan jáne basqa elderden memlekettik qyzmetkerlerin tartamyz dep úmittenemiz, – dedi mektep dekany Veng Tat Hýeı myrza.
Nazarbaev ýnıversıtetiniń Joǵary memlekettik saıasat mektebi memlekettik saıasat pen basqarý salasynda joǵary sapaly bilim berýdi maqsat tutqan Ortalyq Azııadaǵy jetekshi memlekettik saıasat mektebi sanalady. Ol 2012 jyly ashylǵannan bastap, Sıngapýr ulttyq ýnıversıtetiniń Lı Kýan Iý memlekettik saıasat mektebimen senimdi strategııalyq áriptestik ornatqan. NU GSPP-niń Ortalyq Azııadaǵy tańdaýly memlekettik saıasat mektebi retinde ornyǵýy úshin de aýqymdy jumys istep jatyr. Búginde Joǵary memlekettik saıasat mektebi bilim berý barysynda Ortalyq Azııadaǵy ınnovasııalyq jáne ozyq magıstratýra baǵdarlamalaryn usyný úshin ǵylymı zertteýlerdi qamtıdy.
