Alǵashqy kúni olar Shyńǵystaıǵa baryp, aýyl kórinisterin beıneledi. Buqtyrma jaǵasyna jaıǵasqan sheberler kerilgen kenepke berile otyryp etıýd jazǵanda, keshtiń qalaı batqanyn baıqamaǵan. Maıly boıaýmen jazylǵan ár sýret ózinshe erekshe. Palıtra betinde oınaqtaǵan túrli boıaýdy kenepke túsirgen saıyn aýyldyń tynys-tirshiligi kóz aldymyzǵa kele berdi. Etıýdterdegi jadaý úılerge qarap, janyń jabyrqasa, jańa qurylystarǵa ishteı qýanasyń.
«Oralhannyń aýylynda etıýd jazý baqyty buıyrdy bizge. Alaıda Oralhannyń baǵasyna áli de jete almaı jatqan sekildimiz. Ásirese aýyldastary onyń atyn asqaqtatýǵa tıis», deıdi belgili sýretshi Ádilǵalı Baıandın.
Plenerdiń ekinshi kúninde qobdıshalaryn arqalaǵan óner ıeleri Bereldi, saqtar men túrkilerdiń mekenin betke aldy. Tarıhı tamyry tereń, tabıǵaty kórkem jerge tamsanǵan keıbir sýretshiler shabyttanyp, eki-úsh etıýdten jazyp úlgerdi. Jalpy, úsh kún bolǵan plenerde Qudash Nursadyqov, Ádilǵalı Baıandın, Gúlnar Mıǵrajqyzy, Baqytnur Búrdesbekov, Rada Beısenova, Abaı Chýnchalınov syndy belgili sýretshilermen qatar, Qýanysh Ádilbek, Erkebulan Jákishev, Mádı Qaıyrhan, Mádıhan Qalmahanov, Ádilet Nızıabekov, Esbol Nursadyqovtaı jas sýretshiler uzyn sany otyz shaqty etıýd jazyp tastady. Ár sýretshi bir-bir etıýdteri men Oralhan Bókeıdiń 80 jyldyǵyna oraı jazǵan kartınalaryn aýdan qoryna tabystady. О́zderimen ala kelgen kartınalaryn da biregeı týyndy deýge bolady. Jazýshy shyǵarmalarynyń jelisi boıynsha salynǵan kartınalarǵa tereń úńilip, oı túıýge bolady. Máselen, «Ataý kere» povesine jazylǵan Abaı Chýnchalınovtyń polotnosynda keıipkerlerdiń psıhologııasy anyq berilgen.
Shyǵarmashylyq is-sharadan soń tabıǵat aıasynda «О́r Altaı boıaýlary» atty kórme uıymdastyrylyp, qylqalam sheberlerine alǵyshat pen aqshalaı syılyqtar tabystaldy. Aıta keterligi, plener katonqaraǵaılyq jas sýretshi Qýanysh Ádilbektiń usynysymen, aýdan ákimdiginiń qoldaýymen ótti. О́nerge demeýshilik jasaǵan jergilikti kásipker, mesenat Serik Tolyqbaevqa, aýdan basshylyǵyna qylqalam sheberleri rızashylyqtaryn bildirip, tabıǵatta jazylǵan etıýdterin estelik retinde syıǵa tartty. Is-shara sońynda kásipker azamat S.Tolyqbaev salmaǵy bar tanymdyq is-sharalarǵa árqashan qoldaý kórsetetinin jetkizdi.
