Ulttyq bank nomınaly 200 teńgelik banknotalardyń zańdy túrde tólem quraly sanalatynyn eske saldy. Bul banknotalar Qazaqstan Respýblıkasynyń barlyq aýmaǵynda kez kelgen tólem túri boıynsha qabyldanýǵa mindetti.
«Qazaqstan Respýblıkasynyń aýmaǵynda aınalymdaǵy ulttyq valıýta banknotalary men monetalaryn belgilengen qunyna qaraı qabyldaýdan bas tartý – «Ákimshilik quqyq buzýshylyq týraly» Qazaqstan Respýblıkasy Kodeksiniń 206-babynda kózdelgen ákimshilik jaýapkershilikke jeteleıdi», delingen habarlmada.
Buǵan qosa, Ulttyq bank nomınaly 200 teńgelik jańa banknotalardy aınalymǵa shyǵarmaǵanyn atap ótti.
«Aınalymdaǵy 200 teńgelik bankotalar zańdy kúshin joıǵan joq, ári tabıǵı tozyǵy jetkende ǵana aınalymnan shyǵarylyp, 200 teńgelik monetalarmen aýystyrylady. Qosymsha suraqtar týyndasa, 1477 nómiri arqyly Ulttyq banktiń baılanys ortalyǵyna habarlasýǵa bolady», dep túsindirdi Ulttyq bank baspasóz qyzmeti.
