2023 jylǵy 26-27 shildede Qazaqstan men Katardyń avıasııalyq bıligi arasynda eki el tasymaldaýshylarynyń qatysýymen kelissózder ótti.
Qazaqstan tarapynan delegasııany QR IIDM Azamattyq avıasııa komıtetiniń tóraǵasy Talǵat Lastaev, Katar tarapynan - Katar avıasııalyq bıliginiń basshysy Mohamed ál-Hadjrı basqardy.
Kelissózder qorytyndysy boıynsha reısterdi oryndaý úshin quqyqtyq bazany keńeıtetin ózara túsinistik týraly Memorandýmǵa qol qoıyldy:
- ár taraptan Astana jáne Doha qalalary arasynda aptasyna 7-den 14 reıske deıin;
- ár taraptan Almaty jáne Doha qalalary arasynda aptasyna 7-den 14 reıske deıin;
- «aýa erkindiginiń» 5 dárejesin qosa alǵanda, ár jaǵynan aptasyna 7-den 10-ǵa deıin júk reısi.
Osylaısha, ruqsat etilgen jıilikter sany aptasyna 21-den 38 reıske deıin ósti.
Qol jetkizilgen ýaǵdalastyqtar negizinde «Qatar Airways» áýe kompanııasy osy jyldyń sońyna deıin Almaty - Doha baǵyty boıynsha oryndalatyn reıster sanyn kúnine 1-den 2 retke deıin (aptasyna 7-den 14 reıske deıin) ulǵaıtýdy josparlap otyr.
Sondaı-aq 2024 jyldyń ortasynda áýe kompanııa Astana-Doha baǵyty boıynsha áýe qatynasyn ashýdy josparlap otyr.
Qazirgi ýaqytta «Qatar Airways» áýe kompanııasy Qazaqstanǵa baǵyt boıynsha reısterde, onyń ishinde «Boıng-787 Drımlaıner» úlgisindegi keń fıýzelıajdy áýe kemelerin paıdalanady. Kelissózder barysynda áýe kompanııa Qazaqstan Respýblıkasyna reısterde áýe kemeleriniń osy túrlerin paıdalanýdy arttyratynyn habarlady.
Qazaqstan men Katar arasyndaǵy reıster sanynyń artýy elder arasyndaǵy týrıstik, mádenı, ınvestısııalyq jáne iskerlik yntymaqtastyqty damytýdy jedeldetýge múmkindik beredi.
