Aksııa 30 qyrkúıekke deıin josparlanǵan. Bıylǵy aksııa «Jaqsylyqty jasa!» uranymen bastaldy.
«Materıaldyq kómekti kópbalaly otbasylar, jetim balalar jáne ata-anasynyń qamqorlyǵynsyz qalǵan balalar qataryndaǵy bilim alýshylar ala alady. Eger otbasy atalǵan sanattarǵa jatatyn bolsa, onda balalardyń ata-analary mektepke rastaıtyn qujattardy usynýy kerek. Qandaı qujattardy tapsyrý kerektigi týraly aqparatty mektepter usynady», dedi basqarma basshysy.
Azamattardyń ótinishterine jedel áreket etý úshin bilim berý uıymdarynda «Jedel jeli», «Senim» telefondary (55 69 60, 55 68 51) jáne qoǵamdyq qabyldaý bólmeleri jumys isteıdi.
5 tamyzdan bastap qalanyń barlyq aýdandarynda balalardy mektepke daıyndaý úshin jármeńkeler uıymdastyrylady dep josparlanyp otyr:
Baıqońyr aýdanynda - Aımaqtaý saýda ortalyǵy;
Nura aýdanynda - sırk turaǵy;
Saryarqa aýdanynda - Qosshyǵululy kóshesi, 14 úı;
Almaty aýdanynda - Abylaı han kóshesi, 20 úı;
Esil aýdanynda - «KIDS EXPO. EXPO halyqaralyq kórme ortalyǵy».
Mektep jármeńkesi tamyz aıynyń demalys kúnderi ótkiziledi. Qazirgi ýaqytta daıyndyq júrip jatyr.
