Úkimet • 03 Tamyz, 2023

Roman Sklıar qytaılyq kompanııanyń tóraǵasy Van Zıchaomen onlaın kezdesý ótkizdi

220 ret

kórsetildi

1 mın

oqý úshin

QR Premer-mınıstriniń birinshi orynbasary Roman Sklıar China Power International Holding Limited kompanııasynyń tóraǵasy Van Zıchaomen onlaın kezdesý ótkizdi, dep habarlaıdy Egemen.kz Úkimettiń baspasóz qyzmetine silteme jasap.

Shyńǵys MUQAEV

Roman Sklıar qytaılyq kompanııanyń tóraǵasy Van Zıchaomen onlaın kezdesý ótkizdi

Foto: Úkimettiń resmı saıty

QR Prezıdenti Qasym-Jomart Toqaevtyń QHR-ǵa mamyr aıyndaǵy sapary barysynda China Power International Holding Limited kompanııasy men QR Energetıka mınıstrligi, «Samuryq-Qazyna» AQ, SANY Renewable Energy arasynda Jambyl oblysynda qýaty 1 GVt jel elektr stansasyn salý týraly kelisimge qol qoıylǵan bolatyn.

Áńgimelesý barysynda taraptar ınvestısııalyq jobany júzege asyrý barysyn talqylap, energetıka salasyndaǵy perspektıvaly jobalar týraly pikir almasty.

China Power International Holding Limited kompanııasynyń ókilderine yqylas tanyta otyryp Roman Sklıar Qazaqstan elimizge tikeleı tartylǵan sheteldik ınvestısııalardy arttyrýǵa úlken kóńil bóletinin, yntymaqtastyqty odan ári tereńdetýge múddeli ekenin bildirdi.

О́z kezeginde Van Zıchao eki el arasyndaǵy energetıka salasy boıynsha ózara is-qımyldyń mańyzdylyǵyn atap ótti, sondaı-aq qazaqstandyq tarapqa jobany júzege asyrýǵa daıyn ekenin jetkizdi.

Úkimettiń baspasóz qyzmeti