Álem kýbogi jarystarynda top jaryp, júldeli oryndardan kórinip júrgen otandasymyz Jazǵy ýnıversıadada óz myqtylyǵyn dáleldep, úsh baǵdarlama boıynsha úzdikter qatarynan kórindi. Jerlesimiz aldymen kerme jattyǵýynda 14,800 upaı jınap, Ýnıversıada chempıony atansa, keıinnen erkin jattyǵýda kúmis júldeger atandy. Al tirek sekirý saıysynda Karımı Ýkraına jáne qytaılyq Taıbeı ókilderin alǵa jiberip, qola júldeni qanaǵat tutty.
Sonymen qatar taǵy bir ókilimiz Narıman Qurbanov at jattyǵýynda fınalda baq synap, 15.266 upaımen jarystyń kúmis júldegeri atandy. Bas júlde men qola medal qytaılyq Taıbeı ókilderine buıyrdy.
Jalpykomandalyq esepte Qazaqstan quramasynyń sportshylary 18 (2 altyn, 7 kúmis jáne 9 qola) júldemen 17-orynda keledi. Al kósh basynda Qytaı quramasy tur. Olardyń enshisinde 133 medal (76 altyn, 30 kúmis, 27 qola) bar. Ekinshi orynda Japonııa – 71 medal (18 altyn, 23 kúmis, 30 qola) bolsa, úzdik úshtikte Koreıa sportshylary ornalasqan – 50 (17 altyn, 15 kúmis, 18 qola).
