Osy jarystyń irikteý kezeńinen óte almasa da, uıymdastyrýshylar tarapynan arnaıy shaqyrtý alǵan jerlesimiz «myńdyq» týrnırdiń alǵashqy aınalymynda álemdik reıtıngte 53-orynda turǵan amerıkalyq Bernard Peramen kezdesti. Eki setke jalǵasqan matchta jerlesimiz qarsylasyn asa qıyndyqsyz 6:3, 6:4 esebimen tize búktirip, básekeniń ekinshi aınalymyna ótti.
Keshe keshkisin ótken ekinshi aınalymda Pýtınseva qazirgi tańda álemniń úshinshi raketkasy atanǵan taǵy bir amerıkalyq tennısshi Djessıka Pegýlamen sheberlik baıqasty. Sondaı-aq keshe elimizdiń úzdik tennısshisi Elena Rybakına da osy jarystaǵy alǵashqy oıynyn ótkizdi. Bir kún buryn ótýge tıis bolǵan Elena men amerıkalyq Djennıfer Bredı arasyndaǵy match jańbyrǵa baılanysty keıinge shegerildi. Oıyn toqtatylǵanǵa deıingi esep – 6:6, taı-breıkte amerıkalyq tennısshi 4:2 esebimen alda turǵan bolatyn.
