Dástúrli oqýlyqty elektrondy qural almastyrady­­

Oqý úderisin basqarýdy sıfr­­landyrý maqsatynda res­pýb­lıka boıynsha 7 myń mek­tepte elektrondy jýrnaldar men kúndelikterdi júrgizý, úı tapsyrmalaryn berý, baǵa­laý, jospar jasaý jáne qashyq­tan oqytý úshin negizgi servıs­ter­di qamtıtyn bilim berý plat­formalary (Kundelik, Bilimal, EDUS) engizildi. Munymen qosa mobıldi qosymshalar, ana­lıtıkalyq baqylaý taqtalary, as máziri jáne onlaın biliktilikti arttyrý kýrstary sııaqty qo­sym­­sha qyzmetter bar.

Elektrondy oqýlyqtardy engizýde balalardyń mektep pán­derin oqýǵa degen qyzyǵý­shy­lyǵyn arttyrý úshin vırtýaldy zerthanalar men geımıfıkasııa elementteri sıfrlyq maz­mun­men úılestirilip otyr. Sıfrlyq oqýlyqtarmen qatar mektepterde mýltımedııalyq mazmuny bar qosymsha oqý materıaly retinde sıfrlyq bilim berý resýrstary belsendi qoldanylatyn bolady. Búginde 50 myńnan astam sıfr­lyq bilim berý resýrsy quryldy.

Osy rette oqý úderisi ınter­­ak­tıvti, zamanaýı bilim berý tehnologııalaryn qoldana oty­ryp qurylýy kerektigin aıt­qan Úkimet basshysy Álıhan Smaıy­lov bul óz kezeginde qala men aýyl oqýshylarynyń arasyndaǵy bilim sapasynyń alshaqtyǵyn qysqartýǵa yqpal etýge tıis ekenin eskertkenin bilemiz. Sıfrlyq tehnologııa­lar shalǵaıdaǵy shaǵyn mek­tep­terde de oqytýdyń ınno­va­sııalyq ádisterin engizýge múm­kindik beredi. Oqý mate­­rıal­­daryn sıfrlyq for­matqa kóshirý, mektepterdi ınteraktıvti jabdyqtarmen qam­­tamasyz etý, zamanaýı bilim berý tehnologııalaryn engizý jónindegi sharalar Sıfr­lyq damý, ınnovasııalar jáne aeroǵarysh ónerkásibi mınıstrliginiń óńir ákim­dik­terimen birlesip, mek­tepterdegi ınternet jyl­dam­dy­ǵyn art­ty­rý, mektepterdi talshyqty-optıkalyq, jergi­likti jáne symsyz jelilermen qam­tamasyz etý jóninde sharalary­men jalǵasyn tabýǵa tıis.

Elektrondy oqýlyqtardy engizýdiń qanatqaqty jobasyna elimizdiń 6 óńirinen 12 mek­tep­tiń 3, 6 jáne 8-synyp oqýshylary qatysqany bel­gili. 2018-2019 oqý jylynan bas­tap jańartylǵan bilim berý mazmuny aıasynda jańa oqýlyqtar engizilip, bul joba keń jolaqty ınternet jyldam jumys isteıtin aımaqtarda iske asqan bolatyn. О́ńirlerde baspa ókilderi jergilikti basshylarmen kezdesip, balalardy elektrondy oqý­lyqtarmen qamtý úshin mek­tepterde qandaı jaǵdaı jasaý kerektigi aıtylǵan edi. Osy oraıda pán muǵalimderi tara­pynan elektrondy oqýlyq­tar­dy jetildirý, qajetti mate­rıal­dardy engizý máselesi de qamtylǵan-dy.

Alaıda qazirgi kezde keń jolaqty ınternet qoljetimsiz aımaqtarda oqytý máselesi qalaı júzege asatyny alańdatady. Munymen qosa Oqý-aǵartý mı­nıs­trligi osy oqý jylynda oqý­shylardy tolyqtaı elektrondy oqýlyqtarmen qamtamasyz etýge basymdyq bergenimen, sıfrlyq oqý quraldaryn oqý úrdisine engizýge qatysty pikirler ekige jarylyp tur. Buǵan deıin ata-analardyń basym kópshiligi dástúrli oqýlyqtardyń salmaǵy bala densaýlyǵyna keri áser etip jatqanyn aıtyp kelgen bolsa, endigi kezekte elektrondy oqýlyqtardyń da bala aǵzasyna keri áseri týraly da pikirler aıtylyp jatyr. Osy oraıda ata-analar men sarapshylar sıfrlyq quraldardyń balalardyń den­saý­ly­ǵy men psıhıkalyq jaǵ­daıyna zııan ekenin, telefon men planshetterge táýeldiliktiń kúnnen-kúnge artyp kele jat­qa­nyn aıtyp dabyl qaǵyp otyr. Telefon, planshet ekranynyń jaryǵy balalardyń der kezin­de uıyqtaýyna, durys tamaq­­­tan­baýyna, bilim alý ba­rysyna da keri áseri bar ekenine medı­sı­nalyq turǵydan da dálelder jetkilikti.

Desek te zaman kóshine ilesý, sıfrlyq dáýirdiń ıgilikterin ıgerýde mektep oqýshylarynyń shet qalmaýy mańyzdy. Elek­tron­dy oqýlyqtardy engizý ba­la­lardyń izdenisine mol múmkindik bere otyryp, mýltımedııalyq quraldardy paıdalaný, qosymsha aqparat izdeý tetikteri de osy oqýlyqtardyń artyqshylyǵyna jatady. Búginde Ońtústik Koreıa, Reseı, Sıngapýr, Fınlıandııa, Estonııa, Brazılııa, Vengrııa sııaqty elder elektrondy oqý­lyqtardy engizýdegi tájirı­be­simen erekshelenip otyrǵanyn eskerý qajet. Aqparattyq ǵasyr búgingi oqýshy, erteńgi bolashaq maman ıe­le­riniń sıfrlandyrý tetik­te­rin meılinshe meńgerýine yq­pal etedi. Bul zaman talaby. Osy oraıda mamandar elektron­dy oqýlyqtardy meńgerýdiń ja­ǵymdy tustaryna basymdyq bere otyryp, onyń bala densaýlyǵyna keri áserin boldyrmaý jaǵyna da nazar aýdyrylatynyn aıta­dy. О́ıtkeni psıhıkasy áli to­lyq­ qalyptaspaǵan bas­ta­ý­ysh­ synyp oqýshylary úshin sıfr­ly quraldardy paıda­laný­dyń saldary aýyr bolýy múm­kin. Degenmen de kásibı ma­mandar onyń aldyn alyp, elek­trondy oqýlyqtardy qajet bol­ǵan jaǵdaıda dástúrli oqý­lyq­tarmen almastyrý, oqý bary­syn­da túrli ádis-tásildi qol­da­ný múmkinshiliginiń de zor ekenin, bul baǵytta jańa zaman kadrlaryn daıarlaýǵa da mán berý qajet. Osy rette zamanaýı elek­trondy tehnologııalardy bala­lardyń bilim alýy men sa­la­­mat­ty ómir salty jolynda tıim­di paıdalanýdyń naqty júıe­sin qalyptastyrý ýaqyt talabynan týyndap otyr. Bul baǵytta mektep pen otbasy úshin or­taq talaptardyń bir izge túsip, júıelengeni abzal, deıdi mamandar.