Senbide «Oqjetpes» «Jetisýdy» qabyldady. Qatarynan úsh kezdesýde jeńilis tapqan kókshetaýlyqtar bul joly jankúıerlerin qýantý úshin baryn saldy. Jáne de olar kózdegen maqsattaryna qol jetkizdi. Jasulan Moldaqaraev pen Dáýren Jumattyń soqqan dobyna taldyqorǵandyqtar Musa Bakaıokonyń golymen ǵana jaýap qaıyrdy – 2:1. «Atyraý» men «Kaspııdiń» arasyndaǵy básekeniń taǵdyryn 21-mınýtta Evgenıı Kozlov soqqan jalǵyz gol sheshti – 1:0. Jeksenbide taǵy tórt oıyndy tamashaladyq. «Qaırat» óz alańynda «Tobyldy» 2:1 esebimen utty. 5 mınýtta Artýr Shýshenachev esep ashsa, 12-mınýtta Iovan Ilıch tarazy basyn teńestirdi. Úziliske deıin Vıacheslav Shvyrev nysanany dál kózdep, «Qaıratty» qaıta alǵa shyǵardy. Sodan keıin esep ózgergen joq. О́zge matchtarǵa toqtalsaq, «Qaısar» «Ordabasyǵa» 2:3 esebimen ese jiberdi. Al «Qyzyljar» men «Shahter» jáne «Aqsý» men «Aqtóbe» teń tarasty. Eki retinde de 1:1 esebi tirkeldi.
Jarys kestesinde «Ordabasy» jeke-dara kósh bastap tur.
