«2023 jyldyń 1 shildesine deıin kelip túsken barlyq ótinimderdi qarastyramyz. Ázirge 15 myńǵa jýyq kólikti ýaqytsha tirkeýge aldyq. О́tinim berip úlgermegenderdi de qarastyramyz jáne ári qaraı tirkeımiz», dedi Qaısar Sultanbaev Ortalyq kommýnıkasııalar qyzmetinde.
Sonymen qatar spıker 2023 jyldan keıin ákelingen jáne saqtandyrý merzimi bitken, esh tirkeýsiz kólik minip júrgenderdiń bul kólikti basqarýǵa quqyǵy joq ekenin aıtty.
«Ákimshilik kodeks boıynsha olarǵa alǵashynda 10 AEK kóleminde aıyppul salynady. Ekinshi ret – ákimshilik hattama jasalyp, kólik aıyp turaǵyna qoıylady. Qazirgi ýaqytta saqtandyrýsyz, saqtandyrý polısinsiz, tehnıkalyq baıqaýsyz júrgen 2 myńnan astam kólik ıelerin anyqtadyq jáne olar ákimshilik jaýapqa tartyldy. Qazir 1,7 myńǵa jýyq kólik aıyp turaǵyna qoıyldy», dep túıindedi Qaısar Sultanbaev.
