Buqardyń jyry – buqaraǵa amanat

Oblys ortalyǵyndaǵy fes­tıval jalǵasy konferensııaǵa ulasty. Alys-jaqynnan kelgen jyraýlar Buqar babanyń shyǵarmashylyǵy haqynda oı almasty. Qazaq ulttyq óner ýnı­versıtetiniń professory,­ jyraý Almas Almatov Buqar baba murasynyń búgingi qoǵam­da­ǵy ózektiligi jaıynda: «Bu­qar­ jyraý – bútin qazaqtyń, Alash birliginiń kúretamyry. Shyǵar­ma­shylyǵynda eldik másele qozǵalady. Ult bolyp uıysýdyń mańyzyn óziniń jyrlarymen jet­kizgen. Ol han aldynda da, qara aldynda da taısalmaı sóı­le­gen. Buqar jyraý bizdiń 1000 jyldyq mádenıetimizdi boıyna sińirip, sony jyrlaryna arqaý etken. Baba jyrlary ózektiligin áli joǵaltpady. XXI ǵasyrǵa jetken muralary ultqa baǵyt-baǵdar nusqaryna kúmán joq», dedi A.Almatov.

Mańǵystaý oblysynan arnaıy kelgen Amandyq Kómekov te Kómekeı áýlıeniń halyqtyń muńyn ashyq aıtqanyn, sol kez­degi saıası máselelerge bel­ sheship aralasqanyn atap ótip, mundaı qaıratkerlerdiń ǵasyr­lar boıy dáriptele berýi kerek­ti­gin jetkizdi.

Qala turǵyndary Qaraǵan­dy­nyń ortalyq saıabaq sahnasynda elimizdiń ár qıyrynan kelgen jyraýlar ónerin tamashalady. Bul merekelik is-sharanyń ereksheligi – Buqar tolǵaýly ár óńirdiń maqamynda jyrlandy. Jyrshy-jyraýlardyń kóshin bas­tap kelgen Almas Almatov óziniń tól tolǵaýyn oryndap berdi. Qyzylordadan kelgen Uljan Baıbosynova Buqar jyraýdyń tolǵaýyn Syrdyń maqamyna sa­lyp aıtty. Aıtysker aqyn, jyrshy Dıdar Qamıev Arqanyń maqamymen tolǵady.

Buqar jyraý festıvali osy­dan­ on shaqty jyl buryn aıtys­ker­ aqyn Aıtbaı Juma­ǵulovtyń bas­­ta­ma­symen qolǵa alynǵan edi. So­dan beri jyl saıyn dástúrli túr­­de ótip keledi.

«Buqarekeń jyr­­laıdy» fes­­tıvali 2008 jyl­­dan beri ót­ki­zilip keledi. Buqar jyraý­dyń­ 350 jyldyǵy bes jyl bu­ryn­ halyqaralyq deń­­geı­de­ dúr­ki­re­gen edi. Bıyl 355 jyl­dy­ǵy res­pýblıkalyq aý­qym­da uıym­d­as­tyryldy», dedi fes­tı­val uıym­dastyrýshysy Aıt­baı Juma­ǵu­lov.

Festıval qorytyndysy bo­ıyn­sha qatysýshylarǵa arnaıy syı­lyqtar men Alǵyshattar tabys­taldy.

Qaraǵandy oblysy