Foto: Eńbek jáne halyqty áleýmettik qorǵaý mınıstrligi
Komıssııany Tótenshe jaǵdaılar mınıstrligi О́nerkásiptik qaýipsizdik komıteti tóraǵasynyń orynbasary Musa Tanabaev basqarady. Komıssııanyń quramyna Qaraǵandy oblysy ákiminiń birinshi orynbasary Vadım Basın, TJM ónerkásiptik qaýipsizdik komıtetiniń Qaraǵandy oblysy boıynsha departamenti basshysynyń orynbasary Arman Abylqasymov, Qaraǵandy oblysy eńbek ınspeksııasy jónindegi basqarmasy basshysynyń orynbasary Saıash Ahmetov, Qaraǵandy oblysy Densaýlyq saqtaý basqarmasy basshysynyń orynbasary Qanat Abzalıev, Qaraǵandy oblysy jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Tóleý Muhtar jáne basqalar kirdi.
Eske salaıyq, 17 tamyzda saǵat 10.05-te Qaraǵandy oblysy Shahtınsk qalasynda, «ArselorMıttal Temirtaý» AQ Kómir departamentiniń «Qazaqstan» shahtasynda D6 kómir eńisin (gorızont – 170 m) qazý kezinde konveıer lentasy janyp, apatty joıý jospary engizildi.
Shahtada barlyǵy 227 adam boldy, 17 tamyzda 222 jumysker jer betine shyǵarylǵan.
Qutqarý operasııasynyń qorytyndysy boıynsha 17-19 tamyz aralyǵynda 5 adamnyń denesi tabylǵan:
- Slıýnkov Vıtalıı Vladımırovıch 05.03.1965 jyly týǵan, 17.08.2023 j.;
- Býrgýn Vıktor Sergeevıch 12.09.1966 jyly týǵan, 18.08.2023 j.;
- Steshın Denıs Gennadevıch 13.08.1978 jyly týǵan, 18.08.2023 j.;
- Halıkov Artýr Rınatovıch, 1994 jyly týǵan, 19.08.2023 j.;
- Starovoıt Ilıa Aleksandrovıch, 1996 jyly týǵan, 19.08.2023 j.
Aýrýhanada 11 adam emdelip jatyr. Apattyq shahtadaǵy órt saldaryn tolyq joıý boıynsha jumystar áli de jalǵasady. Qaza tapqandardyń otbasylaryna tıisti kómek kórsetý máseleleri baqylaýǵa alyndy.
