Foto: Parlam.kz
Basqosý otandyq ǵylymdy ilgeriletý, jyldar boıy qordalanyp qalǵan ǵylym máseleleriniń sheshimin tabý, ǵylymı jobalarǵa qoldaý kórsetý jáne kommersıalızasııalaý taqyryptarynda órbidi.
«Máseleniń qanshalyqty tereńde jatqanyn túsinýimiz kerek. Bizde ǵylymmen aınalysatyn kadr joqtyń qasy. Ǵylymdy damytýdy osydan bastaıyq. Sheteldik bilim berý mekemeleriniń oqý baǵdarlamasyn saralaýymyz qajet. Solardyń ishinen bizge qolaılysyn alyp engizsek, otandyq ǵylymǵa kásibı myqty mamandar den qoıar edi. Osy tektes birqatar máseleni tizbektep aıta berýge bolady. Biraq kadr tapshylyǵy kezek kúttirmeıtin is bolyp otyr», dedi Ulttyq ǵylym akademııasynyń vıse-prezıdenti Aqylbek Kúrishbaev.
Jıynǵa shetelderdegi qazaq ǵalymdary onlaın qatysyp, ózekti máselelerdi atap ótti. Bilikti ǵalymdardy jumyspen qamtý, olardyń áleýetin otandyq ǵylymdy damytýǵa baǵyttaý jaıy qozǵaldy. Bul rette Prezıdent janyndaǵy Ulttyq ǵylym akademııasyna naqty usynystaryn beretinderin aıtty.
«Qazir ǵylymnyń qaryshtap turǵanyn eshkim de joqqa shyǵara almaıdy. Elimizde ǵylymǵa erekshe kóńil bólinip jatqany bárimizdi qýantady. Memleket basshysy ǵylymsyz alǵa jyljý múmkin emes ekenin birneshe ret qadap aıtty. Buǵan deıin Kúnsulý Daltonqyzymen de kezdesip, ǵylymnyń ahýaly týraly áńgimelestik. Oıymyz bir jerden shyqty. Depýtat retinde ǵylymdy damytý úshin zańnamalyq turǵyda atsalysýǵa daıynbyz», dedi Májilis depýtaty Irına Smırnova.
