Qoǵam • 23 Tamyz, 2023

Zańsyz onlaın-kazıno uıymdastyrǵan «1WIN» uıymyna qatysty tergeý bastaldy

166 ret

kórsetildi

1 mın

oqý úshin

Qarjylyq monıtorıng agenttiginiń Almaty oblysy boıynsha departamenti elimizde zańsyz onlaın-kazıno uıymdastyrǵan «1WIN» uıymyna qatysty sotqa deıingi tergep-tekserýdi bastady, dep habarlaıdy Egemen.kz QMA baspasóz qyzmetine silteme jasap.

Marjan TILEÝBEK

Zańsyz onlaın-kazıno uıymdastyrǵan «1WIN» uıymyna qatysty tergeý bastaldy

Foto: completesports.com

Atalǵan uıym Qazaqstan aýmaǵynda ǵana emes, sondaı-aq TMD jáne alys shetelde qyzmet atqarǵan. Myńdaǵan qazaqstandyqty zańsyz oıyn bıznesine tartyp qana qoımaı, onlaın platforma býkmekerlik qyzmetti tıisti lızensııasyz atqarǵan.

«Zańsyz oıyn bıznesin uıymdastyrýshy kúdikti retinde tanylyp, qajetti tergeý jáne jedel izdestirý áreketteri bastaldy. QR QPK 201-babyna sáıkes ózge aqparat jarııalaýǵa jatpaıdy. QR Konstıtýsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi», dedi QMA resmı ókili Álibek Ábdilov.