Jańa oqý jyly jańa ǵımarattan bastaldy

Keńes Odaǵynyń baty­ry Ah­medııar Qusaıynov atyn­da­ǵy bilim ordasynyń kóne ǵı­ma­raty ábden eskirip, apatty dep tanylǵan edi. Sha­ǵyn aýyl bolsa da sharýasy shashyramaı, irgesi berik tur­ǵan eldi mekenge jańa mektep ǵımaratyn salýdy aýdan, oblys basshylary da, depýtattar da qoldady. Tipti bul bastama «Amanat» partııasynyń saılaýaldy baǵdarlamasyna enip, tıisti qarajat bólindi. Sóıtip 2021 jyly 108 oqýshyǵa arnalǵan jańa mekteptiń qu­ry­lysy bastalǵan. Mine, Juldyz aýylynyń turǵyn­daryn sheksiz qýanyshqa bólegen kún de jetti. 2023 jyldyń jańa oqý jylyn batyr atyndaǵy mektep oqýshylary jańa ǵımaratta qarsy alatyn boldy.

23 tamyzda aýyl úshin mańyzy zor nysannyń ashylý saltanatyna Batys Qazaqstan oblysynyń ákimi Narıman Tóreǵalıev, ob­lystyq máslıhat tóraǵasy Mu­rat Muqaev, oblystyq bilim basqarmasynyń basshysy Aı­gúl Myńbaeva, Qaztalov aýdany­nyń ákimi Aslanbek Sarqulov, máslıhat depýtattary arnaıy qatysty. О́ńir basshysy aýyl turǵyndaryn, mektep ujymyn jáne oqýshylardy qýanyshty oqı­ǵamen quttyqtap, mektep ujy­myna teledıdar syıǵa tartty. Oblys ákimi óz sózinde Memleket basshysy Qasym-Jomart Toqaevtyń «úsh aýysymdy jáne apatty mektepterdiń sanyn azaıtý kerek» degen tapsyrmasyna sáıkes óńirde júıeli jumys atqarylyp jatqanyn aıtyp ótti.

Shynyn aıtsaq, óńirde qol­­­ǵa alynǵan mektep qu­ry­­lysta­rynyń kelisilgen ýa­qy­­tynda aıaq­talmaı, keste­den keshigip qalý oqıǵasy jıi­lep ketti. Jul­dyz mekte­biniń qurylysy da 2021 jyly bastalǵanymen, 8 aı­ǵa josparlanǵan qurylys 2 jyl­ǵa sozylyp, bitpeı tur­ǵan bolatyn. Juldyz mektebi­niń qurylysyn áýelde «AlaýQury­lys» JShS bastap, aıaqsyz qal­dyrdy. N.Tóreǵalıev oblys tizginin ustaǵaly beri bul máse­leni jeke baqylaýyna aldy. Sóıtip óńirde osy salada táji­rı­besi mol «Altaır» JShS mek­tep qurylysyn tolyǵymen sapa­ly túrde aıaqtap shyqty. Oblys ákiminiń qadaǵalaýymen óńirde «saqaldy qurylysqa» aınalǵan birneshe nysanǵa jan bitti.

– Juldyz aýylynda 40 jyl­dan astam ýaqyt turyp jatyrmyz. Eńbek ótilim de batyr atyn­daǵy mektep qabyrǵasynda ótti. Aýylymyzda jańa mektep salý máselesi kópten beri aıtylyp júrgen edi. Endi mine, búgin jańa ǵımaratqa kirip, qýanyp jatyrmyz. Osy máseleniń oń­taı­ly sheshilýine atsalysqan aza­mattarǵa, qurylysshylarǵa al­ǵy­symyz sheksiz. Mektep qu­ry­lysy jaqsy jáne sapaly júr­­­gizildi dep nyq senimmen aı­ta alamyn, – deıdi Juldyz aýy­ly­nyń syıly aqsaqaly О́tep Tó­leýov rızashylyǵyn bildirip.

Jańa mekteptiń ashylý saltanatyna aýyldyń úlken-kishisi túgel jınalǵany aıtpasa da túsinikti ǵoı. Saltanatty sharada «Qyz Jibek» jas termeshiler ansambli óner kórsetip, úlken­derdiń batasyn aldy. Qurylys jumysyn júrgizgen merdiger «Altaır» JShS dırektory Nurlan Qýanǵalıev jańa nysan­nyń ashylýymen aýyldastardy quttyqtap, mektep dırektoryna mekteptiń sımvoldy kiltin tabys etti.

Osy mektepti 1984 jyly bi­tir­gen túlekter atynan sóz alǵan Batys Qazaqstan oblystyq «Aqjaiyq» telearnasynyń til­shisi Aqbolat Mustajapuly aýyl­dastaryn jańa oqý jylymen quttyqtap, mektep oqýshy­laryna sporttyq kıimder men quraldar tartý etti.

Saryózenniń boıynda qo­nys tepken Juldyz aýyly – bo­­la­shaǵy bar eldi mekender qa­ta­­rynda. Orta mektep pen onyń janyndaǵy shaǵyn orta­lyq­­ta 130 bala bilim alyp, tár­bıe­­lenýde. Aýyldyń damýyn, bo­lashaǵyn dáleldeıtin bir kórset­kish qurylys qoı. Keıingi úsh jylda aýylda onshaqty za­ma­­naýı úı jańadan salynypty. Endi mine, sý jańa mektep ǵı­m­a­­­ra­ty aýyldyń ajaryn asha tústi.

Budan keıin oblys ákimi N.Tóreǵalıev Qaztalov aýdany ortalyǵyndaǵy 600 balaǵa arnalǵan Alma Orazbaeva atyn­daǵy jalpy orta bilim beretin mekteptiń qurylysymen de ta­­nysty. Bul mekteptiń de qu­ry­lys jumysy túrli sebeppen birneshe jylǵa sozylyp keledi. Qurylysqa jaýapty mer­diger «Jıenbaı» JShS-nyń dırektory Aleksandr Qa­raǵoıshınniń aıtýynsha, bıyl­ǵy oqý jyly­nyń ekin­shi toq­sanynan bastap oqýshylar jańa mektepte oqı­dy. Narıman Tóreǵalıuly mer­diger mekemeniń basshysyna qurylys jumysyn ýádeli mer­zimde aıaq­taýdy tapsyrdy.

– Aýdan ortalyǵyndaǵy mektep qurylysy bilim kúni – 1 qyrkúıekte aıaqtalmaıtyny anyq. Biz qazir qurylysshylarǵa eki aı mursat berip otyrmyz. 1 qarashaǵa deıin barlyq jumys tıisti deńgeıde atqarylýy kerek. Merdiger «Jıenbaı» JShS-nyń basshylyǵyna mektep qurylysyn sapaly júrgizýdi tapsyramyn. Bul nysan meniń jeke baqylaýymda bolady, – dedi N.Tóreǵalıev.

«Qaztalov aýdanynda qazirgi 20 orta, 8 negizgi jáne 7 bastaýysh mektep jumys istep tur. Osyndaǵy 427 synyp-keshende 5 216 oqýshy bilim alady. 1 250 baldyrǵan 15 memlekettik jáne bir jekemenshik balabaqshada tárbıelenýde. 1 837 balany qamtyp otyrǵan 4 qosymsha bilim berý uıymy taǵy bar. Barlyq mektep telefon baılanysymen jáne ınternetpen qamtylǵan. Sonymen qatar 22 mektep janynda 351 oqýshyny qamtyǵan shaǵyn, orta­lyqtar jumys isteıdi», deıdi Qaz­talov aýdanynyń ákimi As­lanbek Sarqulov.

Batys Qazaqstan oblysy