Tamyz keńesinde Tamara Dúısenova oqý jylynyń 36 aptaǵa deıin uzartylýyna qatysty pikir bildirdi.
«Bul máselege qatysty qoǵamda syn kóp bolyp, pedagogter qaýymdastyǵy tarapynan usynystar boldy. Bul álemdik tájirıbe ekendigin moıyndaýymyz qajet. Degenmen, mundaı jańashyldyqty engizgen kezde barynsha tyńǵylyqty daıyndyq qajet etiledi. Mınıstrliktiń sheshimi durys boldy dep sanaımyn. Biraq, asyǵystyq boldy. Osyǵan oraı osy oqý jylynda 34 aptalyq oqý uzaqtyǵyna oralyp, sabaqty 25 mamyrda aıaqtaý durys dep esepteımin», dedi ol.
Onyń aıtýynsha, 36 aptalyq oqý uzaqtyǵyna oralý máselesin 2025 jyldan bastap qaıta pysyqtaý kerek.
