«Kúni keshe otandyq bilim berý salasyna eńbegi sińgen, bedeldi azamattardyń basyn qosyp, mınıstrlik janynan respýblıkalyq ardagerler keńesin qurdyq. Keńes músheleriniń ashyq daýys berýi nátıjesinde áriptesim, belgili qoǵam jáne memleket qaıratkeri Qulekeev Jaqsybek Ábdirahmetuly tóraǵa bolyp saılandy», dedi Ǵ. Beısembaev.
Sonymen qatar mınıstr mundaı keńester mektepten oblysqa deıin eldiń ár óńirinde qurylýy tıis ekenin atap ótti.
«Pedagog mártebesi týraly» zańǵa sáıkes barlyq pedagogterdiń eńbek jaǵdaılary jaqsardy. «Pedagog» kásibı standarty pedagogtyń úzdiksiz kásibı damýyna yqpal etedi. Onyń negizinde pedagogterge, attestattaýǵa jáne biliktilikti arttyrý júıesine qoıylatyn talaptar qaıta qaralady. Elimizdiń 620 pedagogy 2012 jyldan bastap «Úzdik pedagog» respýblıkalyq baıqaýynyń jeńimpazy atandy jáne onyń nátıjesi boıynsha 1000 aılyq eseptik kórsetkish mólsherinde syıaqy aldy. Memleket basshysynyń tapsyrmasyna sáıkes, 2023 jyldyń 1 qańtarynan bastap mektep pedagogteriniń jalaqysy taǵy 25 paıyzǵa ósti. Qazir 217 myń (63%) muǵalim jańa júıemen attestattaý qorytyndysy boıynsha negizgi jalaqyǵa qosymsha aqy alady», dedi vedomstvo basshysy.
