Foto: jobaǵa qatysýshylardan
Elimiz boıynsha alǵash ret qolǵa alynǵan «Qonaqjaı otbasy» jobasy aıasynda qala balalary Katonqaraǵaı aýdanyna qarasty aýyldarǵa baryp, 20 kún boıy tildik ortaǵa enip, aýyl tirshiligimen tanysqan.
О́skemen qalasynda ótken dástúrli tamyz konferensııasynda jobanyń qorytyndysy shyǵarylyp, keler jyly qalaı jalǵasatyny jaıynda sóz qozǵaldy.
«Jobaǵa 12-14 jas aralyǵyndaǵy 67 bala qatysty. Olar aýyl otbasylarynyń úılerinde turyp, til úırendi. Nátıjeleri óte jaqsy. Aýyldarda arnaıy shtab ta jumys istedi, quramyna polıseıler, psıhologtar, muǵalimder endi. Al ata-analar úshin WhatsApp jelisinde top qurylyp, kúnine eki ret esep jiberildi», dedi ShQO bilim basqarmasynyń basshysy Innesa Chernysheva.
Oblys ákimi Ermek Kósherbaev atalǵan joba kelesi jyly Katonqaraǵaıda ǵana emes, oblystyń barlyq aýdanynda iske asyrylatynyn aıtty. Ár aýdannyń múmkindikteri, erekshelikteri eskerilip, ustazdar qaýymy usynys-tilekterin bildire alady.
«Jańa joba kóptiń kóńilinen shyqty. Elimizdiń basqa aımaqtarynda da qyzyǵýshylyq týdyryp otyr, jobany ary qaraı jalǵastyrýymyz qajet», dedi ákim.
